પૂર્વ વિરોધ પક્ષ ના નેતા એ પત્ર લખ્યો મ્યુ.કમિશનર ને જામનગરમાં ભારે વરસાદ ના લીધે નીચાણવાળા વિસ્તારમાં અતિવૃષ્ટી જેવી પરિસ્થીતી સર્જાઇ છે

નગરસીમનો વિસ્તાર નરક નગરમાં તબદીલ થઈ ગયેલ છે તે બાબતે .

જામનગરમાં ભારે વરસાદ ના લીધે નીચાણવાળા વિસ્તારમાં અતિવૃષ્ટી જેવી પરિસ્થીતી સર્જાઇ છે .જેમાં કાલાવડ નાકા બહાર નગરસીમ વિસ્તારના નીચાણવાળા ભાગનો પણ સમાવેશ થાય છે . જેમાં બાલનાથ સોસાયટી , મોરકંડા રોડ , સનસીટી , બાબુ અમૃતનો વાડો અને તેને લગત તમામ સોસાયટીઓમાં ગળા ડુબ પાણી ભરાયા હતા .

આ અતિવૃષ્ટીમાં લોકોના ઘર સુધી પહોંચવા ફાયર શાખાની બોટ વડે રાહત સામગ્રી પહોંચાડી હતી . લોકો સંપર્ક વિહોણા થઈ ગયા હતા . આ પર થી સાબિત થાય છે કે આપણી પ્રિ – મોન્સુન કામગીરી સંપૂર્ણ પણે નિષ્ફળ ગઇ છે
કાલાવડ નાકા બહારથી મહાપ્રભુજીની બેઠક તેમજ કલ્યાણ ચોકથી સનસીટી -૨ સુધીનું મેઈન રોડ સંપૂર્ણ પણે ધોવાઈ ગયેલ છે અને રોડ ઉપર મોટા – મોટા ખાડાઓ પડી ગયેલ છે . તથા નગરસીમની સમગ્ર સોસાયટીઓમાં છેલ્લા ૪ દિવસથી ડોર ટુ ડોર ગાર્બેજ કલેકશન ની કામગીરી થઈ નથી જેથી કરી સમગ્ર નગરસીમ વિસ્તારમાં કચરાના ઢગલા થઈ ગયેલ હોય અને લોકોની જીંદગી નરક સમાન થઈ ગયેલ છે . ચાર દિવસથી ઓમ સ્વચ્છતા નામની કંપની દ્વારા કોઈ કામગીરી કરવામાં આવતી નથી . કરોડો રૂપિયાનું ડોર ટુ ડોર ગાર્બેજ કલેકશનનું કોન્ટ્રાકટ આપેલ છે તે માત્ર કાગળ ઉપર જ કામ થાય છે . આ કોરોનાની મહામારીના સમયમાં જો આપણે સ્વચ્છતા બાબતે ગંભીર નહીં થઈએ તો આવનારા દિવસોમાં આપણે તેનું અત્યંત દર્દનાક પરિણામ ભોગવવા તૈયાર રહેવું પડશે . સમગ્ર નગરસીમ વિસ્તારમાં અંધાર પટ જેવું માહોલ છે .મેઈન રોડ ઉપર તેમજ શેરીઓમાં તમામ એલ.ઈ.ડી. લાઈટો બંધ છે . માટે અમારી આપ શ્રીને નમ્ર વિનંતી કે નીચે મુજબની કામગીરી તાત્કાલિક ધોરણે ચાલુ કરવામાં આવે . સમગ્ર નગરસીમ વિસ્તારમાં તાત્કાલિક એલ.ઈ.ડી. લાઇટો શરૂ કરવામાં આવે . મુખ્ય રોડ ઉપર લાઇટો નાખવામાં આવે . નગરસીમ વિસ્તારમાં તાત્કાલિક ડોર ટુ ડોર ગાર્બેજ કલેકશન ચાલુ કરી સમગ્ર વિસ્તારની સફાઈ કરવામાં આવે અને ડીડીટી નો છંટકાવ કરવામાં આવે. પૂર્વ વિરોધ પક્ષ ના નેતા અસલમ ભાઈ એ મ્યુ.કમિશનરને લખી રજુઆત કરી છે

કાલાવડ નાકા બહારથી મહાપ્રભુજીની બેઠક સુધીનું રોડ અત્યંત બિસ્માર હાલતમાં હોય અને મોઢ – મોટા ગાબડાઓ અને ખાડાઓ થઇ ગયા છે તેને તાત્કાલિક બનાવવામાં આવે અથવા ખાડા બરવામાં આવે . નગરસીમ વિસ્તારની બુરહાની સોસાયટી , બાબું અમૃતનો વાડો , સતવારા વાડી વિસ્તાર , નેશનલ પાર્ક સોસાયટી , રાજ સોસાયટી , ગોલ્ડન સોસાયટી , અમન એમને સોસાયટી , સનસીટી સોસાયટી , સનસીટી – ર સુધી તેમજ સોસાયટીઓને લગત મેઇન રોડ ઉપર ગારા – કીચડ ના જે થર જામી ગયા છે તેને તાત્કાલિક દુર કરી ડીડીટી પાઉડરનો છંટકાવ કરવામાં આવે . ઉપરોકત બાબતે જો તાત્કાલિક કામ શરૂ કરવામાં નહિં આવે તો ગંદકીના હિસાબે કોરોના જેવી મહામારીમાં વધારો થઇ શકે તેવું જોખમ સર્જાશે અને લોકોની જીંદગીનું જોખમ ઉભુ થશે . નગરસીમના વિસ્તારના લોકો આ ગંદકીથી કાદવ કીચડથી રોડ ના ખાડાઓથી લાઈટો બંધથી અને ગટરના છલકાતા રોડ ઉપર પાણીથી ત્રાહીમામ પોકારી ગઈ છે . નગરસીમ વાસ્તવિક્તામાં એક નરક નગરમાં તબદીલ થઈ ગયેલ છે . માટે ઉપરોકત બાબતોનું તાત્કાલિક ધોરણે નિકાલ કરવામાં નહિં આવે તો ના છુટકે આંદોલન કરવાની ફરજ પડશે
તસ્વીર. સબીર દલ