Jamnagar

જામનગર જિલ્લા જેલ ખાતે ૩૫૭ કેદીઓના કોરોના ટેસ્ટ કરાયા તમામ કેદીઓના રિપોર્ટ નેગેટિવ આવ્યા

News Jamnagar August 24, 2020

જામનગર
જામનગર તા.૨૪ ઓગષ્ટ, જામનગર જિલ્લામાં વધી રહેલા કોરોના વાયરસના કહેરને ધ્યાને લઇ જામનગર જિલ્લા જેલ ખાતે તા.૧૪/૦૮/૨૦૨૦ થી તા.૨૧/૦૮/૨૦૨૦ સુધી કોરોના રેપીડ એન્ટી-બોડી ટેસ્ટનું આયોજન કરવામાં આવેલ હતુ.

જેમાં જામનગર જિલ્લા જેલના કાચા કામના ૩૨૩ આરોપી, ૨૭ પાકા કેદી તથા ૦૭ પાસા અટકાયતી એમ કુલ ૩૫૭ કેદીઓના કોરોના ટેસ્ટ કરવામાં આવેલ હતા.જેમાં તમામ કેદીઓના ટેસ્ટ નેગેટીવ આવેલ હતા.

કેમ્પમાં જામનગર મહાનગરપાલીકાના આરોગ્ય વિભાગના સ્ટાફ, જામનગર જિલ્લા જેલના ઇ.ચા.અધિક્ષક પી.એચ.જાડેજા, જેલરશ્રી જે.આર.સીસોદીયા, ફિઝીશ્યન ડો.સી.એસ.ડાંગેરા, ડો.જે.એ.જાડેજા,ડો.એમ.આઇ.સમા તથા જેલ સ્ટાફે જરૂરી બેઠક વ્યવસ્થા, સલામતી વ્યવસ્થા કરી જહેમત ઉઠાવી હતી.