વિકાસના કામો અન્વયે ચાલતા કામોની સાઇટ વીઝીટ લેતા સ્ટેન્ડીંગ કમિટી ચેરમેન સુભાષભાઇ જોષી

જામનગર
જામનગર મહાનગરપાલિકાના વિકાસના કામો અન્વયે
ચાલતા કામોની સાઇટ વીઝીટ આજરોજ સ્ટેન્ડીંગ કમિટી ચેરમેન સુભાષભાઇ જોષી દ્વારા લેવામાં આવેલ . જેમાં વોટર વર્કસ શાખા હસ્તકના (૧) જ્ઞાનગંગા ફીલ્ટર પ્લાન્ટ ખાતે ૫૦ લાખ લીટર કેપેસીટીના સમ્પની કામગીરી અન્વયે વર્ટીકલ વોલની ચાલતી કામગીરી તથા (૨) લાલપુર રોડ ઉપર હૈયાત પંપ હાઉસ ડીમોલેશન કરી ૭૪ લાખ લીટર કેપેસીટીના સભ્યની કામગીરી અન્વયે આર.સી.સી.વોલની ચાલતી કામગીરીની સ્થળ મુલાકાત લીધેલ તેમજ જરૂરી માહિતી મેળવવામાં આવેલ . વોટર વર્કસના કામો કુલ રૂા . ૧૮.૯૦ કરોડ ખર્ચ થનાર છે અને હાલે પ્રગતિમાં છે.
આ ઉપરાંત પવનચકકીથી પંપ હાઉસ થઈ ભાનું પેટ્રોલ પંપ સુધીના ૨.૫ કી.મી.ના આસ્ફાલ્ટ રી -કાપેટીંગ રોડના ચાલુ કામની મુલાકાત લીધેલ તેમજ જરૂરી માહિતી મેળવવામાં આવેલ આ મુલાકાત સમયે ચેરમેનશ્રી સાથે વોટર વર્કસ શાખાના અધિકારી પી.સી.બોખાણી તથા પ્રોજેકટ એન્ડ પ્લાનીંગ શાખાના અધિકારી ભાવેશ જાની સાથે હાજર રહેલ હતા.