ખંભાળીયામાં એકી બેકી નંબર પ્રમાણે વાહન પાર્કિંગ અંગેનું પ્રાથમિક જાહેરનામું રદ કરતા જિલ્લા કલેકટર

દેવભૂમીદ્વારકા.
તા.20,ખંભાળીયા શહેર દેવભૂમિ દ્વારકા જિલ્‍લાનું મુખ્‍ય મથક હોય તમામ સરકારી કચેરીઓ શહેરમાં આવેલ હોઇ,શહેરમાં વધતા જતા ટ્રાફીકના કારણે જાહેર રોડ ઉપર ટ્રાફીકની સમસ્‍યા ઉભી થાય છે.જેથી શહેરના જાહેર માર્ગો ઉપર ખાનગી વાહનોની પાર્કિંગ વ્‍યવસ્‍થા ઉભી કરવાનું આવશ્‍યક જણાતાં જિલ્‍લા મેજીસ્‍ટ્રેટ દેવભૂમિ દ્વારકાએ તા.૨૨-૭-૨૦૨૦ના રોજ એક જાહેરનામું પ્રસિધ્‍ધ કરેલ હોઈ.

ખંભાળીયાના જુદા જુદા રસ્‍તાઓ પર મહિનાની એકી તારીકે રસ્‍તાની જમણી બાજુ તેમજ બેકી તારીખે રસ્‍તાની ડાબી બાજુ વાહન પાર્ક કરવા હુકમ કરતો જાહેરનામાનો મુસદો તૈયાર કરી ૩૦ દિવસ સુધીમાં વાંધા સુચનો મંગાવેલ. સબબ કાળુભાઇ ચાવડા,પુર્વ ધારાસભ્‍ય ખંભાળીયા તથા ખંભાળીયા શહેરના જુદા જુદા એસોશિએશનના પ્રમુખ/ મેમ્‍બર્સ દ્વારા રજુ વાંધા/સુચનો તેમજ તે અન્‍વયે સબ ડીવીઝનલ મેજિસ્‍ટ્રેટ ખંભાળીયા દ્વારા રજુ થયેલ અભિપ્રાય ધ્‍યાને લેતા,ડો.નરેન્‍દ્રકુમાર મીના,જિલ્‍લા મેજીસ્‍ટ્રેટ દેવભૂમિ દ્વારકાએ તેમને મળેલ સતાની રૂએ ખંભાળીયા શહેરમાં ઓડ-ઇવન પધ્‍ધતિ પ્રમાણે પાર્કિંગ વ્‍યવસ્‍થા અંગે તા.૨૨-૭-૨૦૨૦ના જાહેરનામાંથી પ્રસિધ્‍ધ કરેલ પ્રાથમિક જાહેરનામું રદ કરવા હુકમ કરેલ છે.