જામનગર જિલ્લાના અસરગ્રસ્ત ખેડૂતોને કૃષિ રાહત પેકેજ અંતર્ગત ૧૭ કરોડ ચૂકવવામાં આવેલ છે

જામનગર
જામનગર તા.૨૨ સપ્ટેમ્બર – રાજય સરકાર દ્વારા જામનગર જિલ્લાના ભારે વરસાદ કારણે ખેતી પાકોને થયેલ નુકશાન અન્વયે જામનગર જિલ્લાના ૬ તાલુકા માટે કૃષિ રાહત પેકેજ જાહેર કર્યુ છે. એસડીઆરએફ અંતર્ગત ૬૮૦૦ હેકટર તથા રાજય સરકાર દ્વારા ૩૨૦૦ હેકટર મળી ૧૦૦૦૦ હેકટર મુજબ મહતમ બે હેકટર માટે સહાય ચૂકવવાનું નકકી કરવામાં આવેલ છે.
જામનગર જિલ્લામાં ખેતીવાડી ખાતા દ્વારા હિસાબી શાખા જિલ્લા પંચાયત જામનગરના સહયોગથી જિલ્લા વિકાસ અધિકારીના માર્ગદર્શન હેઠળ કુલ ૧૧૦૦૦ જેટલા ખેડૂતોને ૧૭ કરોડ રૂપિયાની સહાય સીધા જ ખેડૂતોના ખાતામાં એક જ દિવસમાં ચૂકવવામાં આવી છે.
કૃષિ રાહત પેકેજ અંતર્ગત ગ્રામ્ય લેવલે વીસી મારફત અરજી કરવાની રહે છે. અત્યાર સુધીમાં ૯૩૮૭૫ ખેડૂતો દ્વારા અરજી કરવામાં આવી છે તથા જિલ્લાના ખેડૂતો તા.૩૦/૧૦/૨૦ સુધીમાં અરજી કરી શકશે. જેને ધ્યાને લઇ જિલ્લાના ખેડૂતોને સમય મર્યાદામાં અરજી કરવા જિલ્લા ખેતીવાડી અધિકારીની યાદીમાં જણાવાયુ છે.