બોગસ ડોકટર ને ઝડપી લેતી એ.સો.જી જામનગર

જામનગર.
જામનગર જીલ્લાના કાલાવડ તાલુકાના ખાનકોટડા ગામેથી બોગસ ડોકટરને ઝડપી પાડતી જામનગર એસ.ઓ.જી. જામનગરના પોલીસ અધિક્ષક દીપન ભદ્રન સાહેબની સુચના દ્વારા તથા એસ.ઓ.જી. પોલીસ ઇન્સપેકટર એસ.એસ.નિનામા ના માર્ગદર્શન અને સુચના મુજબ એસ.ઓ.જી.ના પો.સ.ઈ. આર.વી.વીંછી તથા વી.કે.ગઢવી નાઓ કાલાવડ તાલુકા વિસ્તારમાં એસ.ઓ.જી. સ્ટાફના માણસો સાથે પેટ્રોલીંગમાં હતા.દરમ્યાન એસ.ઓ.જી.સ્ટાફના પો.હેડ કોન્સ , મયુદીનભાઈ સૈયદ તથા રમેશભાઈ ચાવડાને બાતમી મળેલ કે , કાલાવડ તાલુકાના ખાનકોટડા ગામે નરશીભાઈ પટેલનું મકાન ભાડેથી રાખી કલ્પેશ જીવરાજભાઈ ઉમરેટીયા મેડીકલ ડોકટરને લગતી ડિગ્રી ધરાવતા ના હોવા છતા મજકુર ઇસમ દર્દીઓને તપાસી તે દર્દીઓને અલગ અલગ પ્રકારની દવાઓ આપી પૈસા વસુલ કરે છે .
તેવી હકિકત આધારે રેઇડ કરી મજકુરના કબ્બામાથી સ્ટેથોસ્કોપ મશીન ,બી.પી. માપવાનું મશીન , તથા અલગ અલગ પ્રકારની દવાઓ મળી કુલ રૂા . ૩૧૮૦ / – નો મુદામાલ કબ્બે કરી મજકુર વિરૂધ્ધ ગુજરાત મેડકીલ પ્રેકટીશનર્સ એકટ હેઠળ કાયદેસર કાર્યવાહી કરેલ છે . મજકુર ઇસમની પૂછપરછ કરતા પોતે ધોરણ -૧૨ સુધી જ અભ્યાસ કરેલ હોવાની હકિકત જણાવેલ છે .
આ કાર્યવાહી એસ.ઓ.જી.પોલીસ ઈન્સપેકટર એસ.એસ.નિનામા તથા પો.સ.ઈ.આર.વી.વીંછી તથા વી.કે.ગઢવી તથા એ.એસ.આઈ. મહેશભાઈ સવાણી , વિક્રમસિંહ ઝાલા તથા જ્ઞાનદેવસિંહ જાડેજા તથા પો . હેડ કોન્સ . અનિરૂધ્ધસિંહ ઝાલા ,દિનેશભાઈ સાગઠીયા , ઘનશ્યામભાઈ ડેરવાળીયા અરજણભાઈ કોડીયાતર , મયુદીનભાઈ સૈયદ , દોલતસિંહ જાડેજા , રમેશભાઈ ચાવડા તથા પો . કોન્સ . સોયબભાઈ મકવા , રવિભાઈ બુજડ , સંજયભાઈ પરમાર , લાલુભા જાડેજા , ડ્રા.પો. કોન્સ . દયારામભાઈ ત્રીવેદી તથા સહદેવસિંહ ચૌહાણ નાઓએ કરેલ છે .