108 ની ટીમે ત્યજી દેવાયેલ નવજાત બાળકીનો જીવ બચાવ્યો

જામનગર તા.5:
જામનગર નજીક સાપર ગામના પાટીયા પાસેથી બુધવારે મોડી સાંજે કોઇ નિદર્યી જનેતાએ નવજાત છોડી દઇ અરૂધ્ધ થઇ જતા 108ની ટીમે નવજાત માસુમનો જીવ બચાવી નવુ જીવન આપ્યુ છે.

જામનગર ખંભાળિયા હાઇવે રોડ પર સાપર ગામ ના પાટીયા પાસે વધુ એક ધુલકા ફૂલ મળી આવ્યુ છે. જેની વિગત મુજબ, સાંજે ના સુમારે એક બાળક બિનવારસુ હાલતમાં પડયુ હોવાનું 108માં કોલ આવ્યો હતો. જેને લઇને જામનગર 108ની ટીમના પાયલોટ મેહુલભાઈ અને. ઇ.એમ.ટી. રસીલાબા તાત્કાલિક ઘટના સ્થળે પહોંચી હતા અને બાળકીને તાત્કાલિક ઓકિસજન પુરૂ પાડી પ્રાથમિક સારવાર કરી હતી. ત્યારબાદ આ બાળકીને જામનગરની જી.જી.હોસ્પિટલમાં બેબી કેર વોર્ડમાં દાખલ કરાવી હતી.

આ અંગે સિક્કા પોલીસે અતુલ પ્રભુભાઇ બોડાની ફરિયાદ નોંધી હતી. જેમાં અજાણી મહિલા સામે પોતાની તાજી જન્મેલ બાળકીનો જન્મ છુપાવવા અને ત્યજી દેવાના ઇરાદાથી પોતાની બાળકને બિનવારસુ રસ્તા પર મુકી દઇ ગુન્હો કર્યો હોવાનો આરોપ લગાવ્યો છે.અને પોલીસે આ ફરિયાદના આધારે અજાણી મહિલા ની શોધખોળ મેળવા વધુ તપાસ હાથ ધરી છે.
વિડીયો જોવા માટે નીચે આપેલ લિંક ઓપન કરો

https://youtu.be/hTosRL_Y9CM