જામનગર માર્કેટ યાર્ડમાં મગફળીની રેકોર્ડ બ્રેક આવક

જામનગર
જામનગરના માર્કેટ યાર્ડમાં આજે ૪૦ હજાર ગુણી મગફળીની આવક થઈ છે. જેની આજે હરાજીથી વેંચાણ થઈ રહ્યું છે, જ્યાં સુધી હાલના મોજુદ મગફળીનો નિકાલ ન થાય ત્યાં સુધી નવી આવક બંધ રાખવાનો પણ નિર્ણય લેવાયો છે.

હાપા માર્કેટ યાર્ડખાતે ગઈકાલે બપોરે ત્રણ વાગ્યાથી આજે સવારે પાંચ વાગ્યા સુધીમાં ૪રપ વાહનો મારફત ૪૦ હજાર મગફળીની ગુણીની આવક થઇ હતી. આમ મબલખ આવક થતા માર્કેટ યાર્ડમાં જગ્યા પણ બાકી રહેવા પામી નહતી. આથી જ્યાં સુધી આ તમામ જગ્યાનું વેંચાણ ન થાય ત્યાં સુધી નવી આવક બંધ રાખવામાં આવી છે. દરમિયાન આજે સવારથી મગફળીની હરાજી પ્રક્રિયા શરૂ થવા પામી છે.

જામનગર માર્કેટીગ યાર્ડમાં ગુજરાતમાં સોથી વધુ મગફળીના સારો ભાવો આવતા .યાર્ડમાં આજે સવારે કલાકોમાં 400થી વધુ ખેડૂતો પોતાની મગફળીના વાહનો સાથે આવ્યા હતા.અને સવારે માત્ર બે કલાકમાં 40 હજાર ગુણી મગફળીની રેકોર્ડબ્રેક આવતા હાપા યાર્ડ મગફળીથી છલકાય ગયું હતું. મગફળીની વ્યાપક આવકને ધ્યાને રાખીને યાર્ડમાં મગફળીની આવકને બંધ કરવાની ફરજ પડી છે.જો કે મગફળીની હરરાજીનું કામકાજ ચાલુ હોવાનું યાર્ડના સેક્રેટરી હિતેષ પટેલે જણાવ્યું હતું
ફાઈલ તસ્વીર