ચૂર ગામના પ્રકરણમાં સરકારી બાબુ ની ધરપકડ કરતી જામનગર ઍ.સી.બી.

જામનગર
જામજોધપુર તાલુકાના ચુર ગામના બે તત્કાલીન સરપંચો પુરીબેન નથુભાઈ રાઠોડ અને નિતેશસિંહ ગંભીરસિંહ જાડેજા કે જે બને સામે 2016 થી 2017 ના સમયગાળા દરમિયાન સરકારી વિકાસના કામો કર્યા વિના જ 1,89.400 લાખની સરકારી નાણાંની ઉચાપત કરી હોવાનું ધ્યાનમાં આવતાં જામનગર એસીબીમાં બન્ને સામે ગુનો નોંધવામાં આવ્યો હતો.
અને બંને પૂર્વ સરપંચની ધરપકડ કરી લઈ જેલ હવાલે કરાયાં હતાં.એસીબીના પી.આઈ.પરમાર અને ટીમ દ્વારા આ પ્રકરણમાં ઊંડાણપૂર્વકની તપાસ ધમધમાટ શરૂ કરવામાં આવી હતી .
અને પ્રાથમિક તપાસમાં જે તે વખતના જામજોધપુરના અધિક મદદનીશ ઇજનેર માર્ગ અને મકાન વિભાગ જિલ્લા પંચાયત દર્શન હસમુખભાઈ પરમાર કે જેણે ટાંકો ઉભો કરવા માટેનું ખોટું સર્ટિફિકેટ આપ્યું હોવાનું માલુમ પડ્યું હતું અને તેણે આ સમગ્ર પ્રકરણમાં ભ્રષ્ટાચાર આચર્યો હોવાનું અનુમાન કરી તેની ધરપકડ કરી લેવામાં આવી છે .
દર્શન હસમુખભાઈ પરમાર કે જે હાલ ધ્રોલમાં નાયબ મામલતદાર તરીકે ફરજ બજાવે છે જેની અટકાયત કરી લીધાં પછી જીજી હોસ્પિટલમાંકોરોના રિપોર્ટ કરવામાં આવ્યો હતો , જેનો રિપોર્ટ નેગેટિવ આવ્યો હોવાથી તેની ઉપરોક્ત ગુના હેઠળ ધરપકડ કરી લેવામાં આવી છે અને રિમાન્ડ પર લેવા કાર્યવાહી શરૂ કરી દેવામાં આવી છે.એસીબીની તપાસ દરમિયાન આ પ્રકરણમાં હજુ પણ કેટલાક સરકારી કર્મચારી સહિતના નામ ખૂલે તેમ છે.જેને લઈને જામનગરના સરકારી વર્તુળમાં ભારે ખળભળાટ મચી ગયો છે .