જામનગરમાં દેશવ્યાપી હડતાળને પગલે આજે મોટાભાગની રાષ્ટ્રીયકૃત બેંકો સજ્જડ બંધ રહેતાં કરોડોનું ક્લિયરીંગ ઠપ્પ થયું.

જામનગર
જામનગર દેશભરમાં આજે ગુરૂવારના રોજ રાષ્ટ્રીયકૃત બેંકની હડતાલ છે.ત્યારે ગુજરાત રાજ્યમાં 10 હજાર કરોડનું ટર્નઓવર ઠપ થયું છે.જામનગરમાંથી 1500 જેટલા બેંક કર્મચારીઓ હડતાલમાં જોડાયા હતા.
કેન્દ્ર સરકારની કામદાર વિરોધી નીતિ અને ખાનગીકરણને પ્રોત્સાહન સામે આજે વિવિધ સંગઠનો દ્વારા હડતાલનું એલાન આપવામાં આવ્યું હતું ,જામનગરમાં બેંક કર્મચારીઓ હડતાલમાં જોડાયા હતા. એકંદરે હડતાલને મિશ્ર પ્રતિસાદ જોવા મળ્યો હતો જો કે આજની હડતાલને તમામ વિભાગના કામદારોએ ટેકો જાહેર કર્યો છે. કેન્દ્ર સરકારની કામદાર વિરોધી નીતિ તેમજ ખાનગીકરણને પ્રોત્સાહન આપવામાં આવતા હોવાથી આજે દેશના વિવિધ કામદાર સંગઠનો દ્વારા હડતાલનું એલાન આપવામાં આવ્યું છે.
તસ્વીર. સબીર દલ
જામનગરમાં આજની હડતાલમાં બેંક કર્મચારીઓ જોડાયા હતા. પરિણામે કરોડો રૂપિયાના ટ્રાન્ઝેક્શન અટકી પડ્યા હતા અન્ય રાષ્ટ્રીયકૃત બેંકના કર્મચારીઓ હડતાલમાં જોડાયા છે. આ દરમિયાન બેંક કર્મચારીઓ દ્વારા પોતાની બેંક શાખામાં પ્લેકાર્ડ દર્શાવી વિરોધ પ્રદર્શન કરવામાં આવ્યો હતો.

આજની હડતાલને મિશ્ર પ્રતિસાદ સાંપડ્યો હોવાનું જોવા મળી રહ્યું છે. આ ઉપરાંત મજૂર મહાજન સંઘ સહિતના કામદાર સંગઠનો પણ આજની હડતાલમાં સામેલ થયા હતા.જેમાં યુનિયનના અગ્રણીઓ હરૂભા જાડેજા,દેલુભાઈ,પૂર્વ અગ્રણી મનુભાઈ ચનિયારા સહિતનાઓ જોડાયા હતાં.