બાયો ડીઝલ નો જથ્થો ઝડપી લેતી એસ.ઓ.જી

જામનગર
જામનગરના હાપા નગર સીમ વિસ્તાર માંથી ( બાયો ડીઝલ ) ૮,૦૦૦ /-લીટર કી.રૂ .૫,૩૪,૦૦૦ /ના મુદામાલ સાથે ઝડપી પાડતી જામનગર એસ.ઓ.જી. જામનગર જીલ્લાના પોલીસ અધિક્ષક દિપન ભદ્રન ની સુચનાથી એસ.ઓ.જી. ના પો.ઇન્સ .એસ.એસ.નીનામા ના માર્ગદર્શન મુજબ એસ.ઓ.જી.ના પો.સ.ઇ.વી.કે.ગઢવી તથા સ્ટાફના માણસો જામનગર શહેર વિસ્તારમાં પેટ્રોલીંગમાં હતા ,
તે દરમ્યાન એસ.ઓ.જી. સ્ટાફના હર્ષદભાઇ ડોરીયા તથા દીનેશભાઇ સાગઠીયા તથા રવીભાઇ બુજડ નાઓને ખાનગી રાહે હકિકત મળેલ કે ,ગુલાબનગર ઓવર બ્રીજ થી આગળ હાપા તરફ જતા રસ્તે જમણી બાજુ આવેલ લક્કી ગેરેજ ના વાળામાં હાર્દીકભાઇ સુરેશભાઇ માખેલા રહે – ગુરૂદ્વારા જામનગર વાળો તેમના વાળામાં અનઅધીકૃત બાયો ડીઝલ / એલડીઓ પેટ્રોલીયમ પદાર્થ સંગ્રહ કરી રીફલીંગ કરી વેચાણ કરે છે

તેવી હકિકત આધારે જામનગર શહેર મામલતદાર સાથે રેઇડ કરી મજકુર ઇસમને પકડી પાડી તેમના બજા માંથી બાયો ડીઝલ લી .૮,૦૦૦ / – કી.રૂ .૪,૫૬,૦૦૦ / -તથા અન્ય મુદામાલ મળી કુલ કી.રૂ .૫,૩૪,૦૦૦ / – નો મુદામાલ કબ્બે કરી મજકુર વિરૂધ્ધ ઇ.પી.કો કલમ -૨૮૫ તથા આવસ્યક ચીજવસ્તુ અધિનિયમ ની કલમ -૩,૭,૧૧ મુજબ ધોરણસર કાર્યવાહી કરેલ છે . આ કાર્યવાહી પો.ઇન્સ . એસ.એસ.નીનામા તથા પો.સ.ઈ. વી.કે.ગઢવી તથા એસ.ઓ.જી. સ્ટાફના માણસો દ્રારા કરવામાં આવેલ હતી.