શહેર ભાજપની નવી ટીમની શહેર અધ્યક્ષે કરી જાહેરાત .

જામનગર
ગુજરાત પ્રદેશ અધ્યક્ષ માનનીય સી.આર.પાટીલ તથા પ્રદેશ મોવડી મંડળ સાથે ચર્ચા કર્યાં પછી જામનગર શહેર ભારતીય જનતા પાર્ટીના હોદ્દેદારોની નિમણુંક કરવામાં આવેલ છે

જ્યારે ત્રણ મહામંત્રીમાં પ્રકાશ બાંભાણિયાને રીપીટ કરવામાં આવ્યા છે. આ ઉપરાંત ગોપાલ સોરઠિયા અને વિજયસિંહ જેઠવાને પણ મહામંત્રી બનાવાયા છે.

જામનગર શહેર ભાજપ અધ્યક્ષ દ્વારા નવી ટીમની જાહેરાત કરવામાં આવી છે. જેમાં આઠ ઉપાધ્યક્ષ,ત્રણ મહામંત્રી, આઠ મંત્રી, એક કોષાધ્યક્ષ અને બે કાર્યાલય મંત્રીનો સમાવેશ કરાયો છે. ઉપરાંત બોર્ડ પ્રમુખ અને વિવિધ મોરચાના પ્રભારીની પણ વરણી કરવામાં આવી છે.

જામનગર શહેર ભાજપ અધ્યક્ષ તરીકે તાજેતરમાં ડો.વિમલ કગથરાની વરણી કરવામાં આવી હતી.બાદમાં ગઈકાલે મીડી સાંજે અધ્યક્ષ દ્વારા નવી ટીમની જાહેરાત કરવામાં આવી હતી જેમાં ઉપાધ્યક્ષ તરીકે ખુમાનસિંહ સરવૈયા,અમીબેન પરીખ,મોનિકાબેન વ્યાસ,કે.જી.કનખરા, વિનોદભાઈ ખીમસૂર્યા, જ્યોતિબેન ભારવાડિયા,હેમલભાઈ ચોટાઈ, અને વસંતભાઈ ગોરીનો સમાવેશ કરાયો છે.