નૌસેના દ્વારા નેવી ડે ની શાનદાર રીતે કરવામાં આવી ઉજવણી

જામનગર
અહેવાલ સબીર દલ

ભારતીય નૌસેના દ્વારા નેવી ડે ની દર વર્ષે 4 ડિસેમ્બર ના ઉજવણી કરવામાં આવે છે. જામનગર નૌસેના મથક ખાતે ગઈકાલે વાલસુરામાં નૌસેના દિવસની ઉજવણી અંતર્ગત બીટીંગ રીટ્રીટનો ભવ્ય સમારોહ યોજાયો હતો.

1971ના ભારત-પાકિસ્તાન સામેના યુદ્ધમાં અરબી સમુદ્રમાં ભારતીય નૌસેનાના જવાનોએ કરાચી બંદર ઉપર ભારે તોપમારો કરી ભિષણ યુદ્ધમાં કરાચી બંદરને નુકશાન પહોંચાડયું હતું. તેમજ બાંગ્લાદેશ સરહદ ઉપર પણ નૌસેનાએ સુંદર કામગીરી દ્વારા યુદ્ધમાં ભારતને જવંલત વિજય અપાવ્યો હતો. આ વિજયની યાદમાં પ્રતિ વર્ષ 4 ડિસેમ્બરે નૌસેના દિવસ તરીકે ઉજવવામાં આવે છે.

જામનગર સ્થિત આઇએનએસ વાલસુરામાં ગઇકાલે નૌસેના દિવસ ઉપર બીટીંગ રીટ્રીટ કાર્યક્રમ યોજવામાં આવ્યો હતો. આઇએનએસ વાલસુરામાં યોજાયેલા બીટીંગ રીટ્રીટ કાર્યક્રમમાં કોંટિનેટ પ્રેકિટસ ઉપરાંત શારીરીક તાલીમ,મશાલ નિર્દેેશન, સળગતી રીંગમાંથી જંપ, નેવી બેન્ડ અને નવકાર દળનો ધ્વજ લહેરાવવાની પંરપરા સહિતના નિર્દેશનો રજૂ કરાયા હતા. સાંજે સૂર્યાસ્ત પૂર્વે પ્રણાલી પ્રમાણે નૌસૈનાના ધ્વજને દંડ ઉપરથી સન્માનભેર ઉતારવામાં આવ્યો હતો અને કાર્યક્રમનું સમાપન થયું હતું.
આ કાર્યક્રમમાં નૌસેનાના કમાન્ડીંગ ઓફિસર અજય પટણી સહિત નૌસેનાના ઉચ્ચ અધિકારીઓ હાજર રહ્યા હતા..