10 વર્ષ પૂર્વેના મહિલાની હત્યા પ્રકરણમાં સંડોવાયેલ આરોપીને ગારીયાધારથી ઝડપી લેતી પેરોલ / ફર્લો સ્કવોડ

જામનગર
આજથી દસ વર્ષ પહેલા જામનગર જીલ્લાના કાલાવડ તાલુકાના ટોડા ગામની સીમમાં સ્ત્રીની હત્યા કરી મૃતકની લાશને કંતાનમાં પથ્થરો વડે બાંધી ગુંદા ગામના વોકળામાં ફેંકી ત્રણ ઈસમો ફરાર થઈ ગયેલ હોય જે પૈકીના છેલ્લા દસ વર્ષથી નાસતા – ફરતા આરોપીને ભાવનગર જીલ્લાના ગારીયાધાર ખાતેથી પકડી પાડતી જામનગર પેરોલ / ફર્લો સ્ક્વોડ જામનગર જીલ્લા પોલીસ અધિક્ષક દીપન ભદ્રન સાહેબ નાઓની સુચના તેમજ એલ.સી.બી. પો.ઈન્સ . કે.જી.ચૌધરી સાહેબ નાઓના માર્ગદર્શન મુજબ પેરોલ ફર્લો સ્ક્વોડના પો.સ.ઈ. એ.એસ.ગરચર તથા સ્ટાફના માણસો પેરોલ ફર્લો ફરારી / નાસતા ફરતા ફરારી ગુન્હેગારોને શોધી કાઢવા અંગે પેટ્રોલીંગમાં હતા .
તે દરમ્યાન પો . હેડ કોન્સ , કાસમભાઈ બ્લોચ તથા ગજેન્દ્રસિંહ જાડેજા હકીકત મળેલ કે કાલાવડ પો.સ્ટે . ફ.ગુ.ર.નં .૧૯૩ / ૨૦૧૧ ઈ.પી.કો. કલમ ૩૦૨,૨૦૧,૧૧૪ મુજબના ગુનામાં નાસતા – ફરતા આરોપી કમેશ ઉર્ફે કમલેશ થાવરીયાભાઈ બામણીયા ઉ.વ .૩૫ રહે.મુળ મહેન્દ્રા ગામ તા.ભાભરા જી.અલીરાજપુર મધ્યપ્રદેશ વાળો હલ ભાવનગર જીલ્લાના ગારીયાધાર ખાતે હજર હોય જેથી બાતમી હકીકતના આધારે ઉપરોક્ત ટીમ સાથે સદરહુ આરોપીને પકડી પાડી પો . સબ ઈન્સ . એ.એસ.ગરચર એ ધોરણસર અટક કરી કાયદાકીય કાર્યવાહી કરી કાલાવડ ટાઉન પો.સ્ટે સોપી આપેલ છે .

આ કામગીરીમાં પેરોલ / ફર્લો સ્કવોડના પો.સ.ઈ એ.એસ.ગરચર તથા પો . હેડ કોન્સ . ગજેન્દ્રસિંહ જાડેજા , સુરેન્દ્રસિંહ ચૌહાણ , રણજીતસિંહ પરમાર , સલીમભાઈ નોયડા , કાસમભાઈ બ્લોચ , મેહુલભાઈ ગઢવી , નિર્મળસિંહ જાડેજા , ભરતભાઈ ડાંગર , રાજેશભાઈ સુવા , ગીરીરાજસિંહ જાડેજા તથા પો . કોન્સ . ધર્મેન્દ્રભાઈ વૈષ્ણવ તથા એ.એસ.આઈ. ધર્મેન્દ્રસિંહ જાડેજા ના ઓએ કરેલ છે .