ગુજરાત આયુર્વેદ યુનિવર્સિટી દ્વારા પેશાબમાં ચેપની સમસ્યા ધરાવતા લોકો માટે

ગુજરાત આયુર્વેદ યુનિવર્સિટી દ્વારા ૧૬ થી ૬૦ વર્ષના પેશાબમાં ચેપની સમસ્યા ધરાવતા લોકો માટે

નિશુલ્ક નિદાન તથા સારવાર કેમ્પનું આયોજન

જામનગર તા.૨૯ ડિસેમ્બર, બદલાતી જીવનશૈલી અને આહાર વિવિધ પેશાબની સમસ્યાઓનું એક મુખ્ય કાઅરણ છે. પેશાબમાં થતા ચેપથી પેશાબમાં બળતરા, વારંવાર પેશાબ થવું, રાત્રે વારંવાર પેશાબ થવાને લીધે નિંદ્રામાં ખલેલ,
પેશાબમાં લીકેજ થવુ જેવા લક્ષણો પેદા કરે છે. તા.૩૦-૧૨-૨૦૨૦ થી ૦૨-૦૧-૨૦૨૧ ના રોજ પી.જી. આયુર્વેદ હોસ્પિટલ, ગુજરાત આયુર્વેદ યુનિવર્સિટી, રિલાયન્સ સુપર મોલની સામે જામનગર ખાતે ૧૬ થી ૬૦ વર્ષના પેશાબમાં ચેપની
સમસ્યા ધરાવતા લોકો માટે નિ:શુલ્ક નિદાન તથા સારવાર માટેનો કેમ્પ રૂમ નં. ૧૧ ઓપીડી બ્લોક, પી.જી.આયુર્વેદ હોસ્પિટલ,રિલાયન્સ સુપર મોલ સામે, પાંચ બંગલા રોડ, જામનગર ખાતે સવારે ૦૯:૦૦ કલાકથી થી ૧૨:૩૦ કલાક અને સાંજે ૦૪:૦૦
કલાકથી ૦૬:૦૦ કલાક સુધી તેમજ શનિવારે માત્ર સવારે ૦૯:૦૦ કલાકથી ૧૨:૦૦ કલાક દરમિયાન રાખવામાં આવેલ છે તેનો જાહેર જનતાને લાભ લેવા આર.એમ.ઓ. પી.જી. આયુર્વેદ હોસ્પિટલ, ગુજરાત આયુર્વેદ યુનિવર્સિટી, જામનગર દ્વારા અનુરોધ કરવામાં આવેલ.