સખી વન સ્ટોપ સેંટર જામનગર ખાતે ફાયર સેફ્ટી અંગે તાલીમ યોજાઇ

જામનગર
જામનગર ગત તા.૦૨ જાન્યુઆરી, જામનગર જીલ્લા મહિલા બાળ અધિકારીની કચેરી અને આપાતકાલિન વ્યવસ્થા કેન્દ્રના સંયુક્ત ઉપક્રમે કસ્તુરબા સ્ત્રી વિકાસગૃહ ખાતે મહિલા અને બાળ અધિકારી શ્રી સી.ડી ભાંભી તથા જિલ્લા દહેજ પ્રતિબંધક સહ રક્ષણ અધિકારી હંસાબેન ટાઢણી માર્ગદર્શન હેઠળ અગ્નિશામક અંગેના સાધનોની મહિલાઓને તાલીમ આપવા માટેનું તા.૨૮-૧૨-૨૦૨૦નાં રોજ આયોજન કરવામાં આવ્યું હતુ. આ તાલીમ અંતર્ગત મહિલાઓને આગના જુદાજુદા પ્રકારોની, આગ બૂઝાવા માટે ક્યા પ્રકારના અગ્નિશામક સાધનોનો ઉપયોગ કરવો તેની સમજ આપવામાં આવી હતી.

આ ઉપરાંત આગ લાગવાના સમયે કેવી તકેદારી અને પ્રાથમિક સારવાર કેવી રીતે કરવી તેની પણ જાણકારી આપવામાં આવી હતી.
આ તાલીમમાં આપાતકાલીન વ્યવસ્થા કેન્દ્રના ચીફ ફાયર ઓફિસર કે.કે બિશ્નોય, જયવીરસિંહ રાણા, ઉમેશ ગામેતી અને બ્રિજરાજસિંહ ચુડાસમા દ્વારા તાલીમ આપાઈ હતી. આ તાલીમમાં “સખી” વન સ્ટોપ સેન્ટર નાં કર્મચારી, પ્રિવેન્ટીવ અને રેસ્ક્યુ હોમના કર્મચારીઓ, અંતેવાસીબહેનો, પોલીસ સ્ટેશન બેઇઝડ સપોર્ટ સેન્ટર, ૧૮૧ અભયમ મહિલા હેલ્પલાઇન, વિવિધલક્ષી મહિલા કલ્યાણ કેન્દ્ર, અને મહિલા શક્તિ કેન્દ્રના કર્મચારીઓએ ભાગ લીધો હતો.