નાર્કોટીક્સ મેફેડ્રોન ડ્રગ્સના જથ્થા સાથે ત્રિપુટીને પકડી પાડતી એસ.ઓ.જી.

જામનગર

જામનગર એસ.પી.દીપન ભદ્રન દ્વારા જામનગર જીલ્લામાં નશીલા પદાર્થના વેપાર ઉપર રોક લગાવવા અને નશાખોરી રોકવા માટે પરીણામ લક્ષી કામગીરી કરવા બાબતે કાર્યવાહી કરવા સૂચના કરતા તે અનુસંધાને આજરોજ એસ.ઓ.જી.ના પોલીસ ઈન્સપેકટર એસ.એસ.નિનામાં તથા પો.સ.ઈ. આર.વી.વીંછી તથા વી.કે.ગઢવી નાઓના નેતૃત્વ વાળી ટીમના પો . હેડ કોન્સ . દીનેશભાઈ સાગઠીયા તથા પો.કોન્સ . સંજયભાઈ પરમારને મળેલ ખાનગી બાતમી આધારે કાલાવડ નાકા બહાર , રંગમતી સોસાયટી જામનગરમાં રહેતા.

( ૧ ) ઈસ્તીયાઝ જુસબભાઈ ખેરાણી તથા ( ૨ ) તોહીદ હનીફભાઈ ખલીફા તથા ( 3 ) સલીમ કરીમખાન લોદીન રહે . ત્રણેય કાલાવડ નાકા બહાર જામનગર વાળાઓ ગેર કાયદેસર કેફી પદાર્થ એફેડ્રોન ડ્રગ્સ પાવડર પોતાના મકાને રાખી વેચાણ કરે છે . જેથી રેઇડ કરતા ઉપરોકત ત્રણેય ઈસમો મેસેડોન ડ્રગ્સ પાવડર લાવી વેચાણ કરતા હોય મજકુર ઈસમ ઈન્ડીયાઝ જુસબ ખેરાણી ના કબજામાંથી ગે.કા. પદાર્થ મેફેડ્રોન ડ્રગ્સ ૫૨ ગ્રામ કી.રૂા . ૫,૨૦,૦૦૦ / – તથા અન્ય મુદામાલ મળી કી.રૂા .૫,૯૧,૦૭૦ / – સાથે પકડેલ અને પુછપરછ દરમ્યાન આ માલ તે મુંબઈથી લાવેલનું જણાવેલ હોય જેથી ત્રણેય ઈસમો વિરૂધ્ધ સીટી એ ડીવી . પો.સ્ટ , એન.ડી.પી.એસ. એકટ મુજબ ગુનો દાખલ કરાવેલ છે .

આ કાર્યવાહી પો.ઇન્સ . એસ.એસ.નીનામા તથા પો.સ.ઈ. આર.વી.વીંછી તથા વી.કે.ગઢવી એસ.ઓ.જી. સ્ટાફના માણસો દ્રારા કરવામાં આવેલ છે .