ગોલ્ડન સિટી ગેરકાયદેસર ખડકી દેવાયેલા 7 મકાનોને તોડી પાડવામાં આવ્યા.

જામનગર

જામનગરમાં આવેલશ રૂસેકશન રોડ, પોલીસ હેડ ક્વાટર્સ પાછળના ગોલ્ડન સિટી પાસે અશોક સમ્રાટનગર વિસ્તારમાં સાત કાચા-પાકા મકાનોનું ગેરકાયદે બાંધકામ તોડી પાડવાની કામગીરી આજે સવારે શરૂ કરવામાં આવી હતી.

જામનગર મહાનગરપાલિકાની એસ્ટેટ શાખા દ્વારા શહેરના ગોલ્ડન સીટી વિસ્તારમાં ગેરકાયદેસર રીતે ખડકી દેવામાં આવેલા મકાનો દૂર કરવામાં આવ્યા હતા. જામનગર મહાનગરપાલિકાની એસ્ટેટ શાખા દ્વારા દબાણ હટાવની કામગીરી ગોલ્ડન સીટી વિસ્તારમાં ટીપી સ્કીમ નં.1માં 4000 ફૂટ જગ્યામાં ખડકી દેવામાં આવેલા દબાણો દૂર કરવામાં આવ્યા હતા. અનેક વખત નોટીસ આપ્યા બાદ પણ દબાણકારોએ દબાણ દૂર નહી કરતા અંતે આજે મહાનગરપાલિકાની એસ્ટેટ શાખા દ્વારા જે.સી.બી.ની મદદથી 7 મકાનો જમીનદોસ્ત કરવામાં આવ્યા હતા. જેમાં એસ્ટેટ અધિકારી આર્યન દિક્ષીત, રાજભા ચાવડા અને સુનિલ ભાનુશાળી સહિતના કર્મચારીઓ જોડાયા હતા.