આર્મી ભરતી રેલીના ઉમેદવારો માટે અગત્યની સૂચના.

જામનગર
જામનગર તા. ૨૨ જાન્યુઆરી, મદદનીશ નિયામક(રોજગાર)ની કચેરી, જામનગર દ્વારા જામનગર જીલ્લાના ઉમેદવારોને જણાવવામાં આવે છે કે, આગામી આર્મી ભરતી રેલી-૨૦૨૧ સ્થળ-એન.ડી.એચ હાઇસ્કુલ ગ્રાઉન્ડ, દ્વારકા માટે જે ઉમેદવારોએ રજીસ્ટ્રેશન કરાવેલ છે, એમના ભરતી રેલી સમયે ફરજીયાત સાથે લાવવા માટેનું એડમીટ કાર્ડ (કોલ લેટર) આર્મી રીક્રુટમેન્ટ ઓફીસ દ્વારા ઇસ્યુ થઇ ગયેલ છે.

આ ભરતી માટે ઓનલાઇન રજીસ્ટ્રેશન કરાવેલ તમામ ઉમેદવારોએ પોતાના ઇ મેઇલમાં આવેલ એડમીટ કાર્ડ (કોલ લેટર) ડાઉનલોડ કરીને અચૂક પ્રિન્ટ કઢાવી લેવા જણાવવામાં આવે છે.

વધુમાં જામનગર જીલ્લાના આ ભરતી માટે ઓનલાઇન રજીસ્ટ્રેશન કરાવેલ તમામ ઉમેદવારોને જણાવવામાં આવે છે કે, જામનગર જીલ્લા માટે ભરતીની તારીખ ૧૦-૦૨-૨૦૨૧ આવેલ છે. જેથી જામનગર જીલ્લાના આર્મી ભરતી રેલીમાં રજીસ્ટ્રેશન કરાવેલ હોય તેવા ઉમેદવારોએ તા. ૦૯-૦૨-૨૦૨૧ના રાત્રે ૧૨.૦૦ વાગ્યે ભરતી રેલીના ગ્રાઉન્ડ પર અચૂક પહોંચવાનું રહેશે, જેની ખાસ નોંધ લેવા મદદનીશ નિયામક રોજગાર જામનગરની યાદી દ્વારા જણાવવામાં આવે છે.