જી.જી. સરકારી હોસ્પિટલ ખાતે સુપર સ્પેશિયાલિસ્ટ ડોક્ટરોની સેવાનો લાભ મળશે

જામનગર

દર્દીઓની સુગમતા માટે તારીખવાર સુપર સ્પેશિયાલિસ્ટ ડૉક્ટર્સની સેવાઓનું કરાયું આયોજન

જામનગર ૨૪ માર્ચ, સી.એમ. સેતુ યોજના અંતર્ગત જામનગરના દર્દીઓ તથા જનતાને સુપર સ્પેશિયાલિસ્ટ ડોક્ટર્સની સેવાઓનો લાભ સુગમતાથી શહેરમાં જ મળી રહે તે હેતુથી યોજના અંતર્ગત જામનગર જિલ્લાના ખ્યાતનામ સુપર સ્પેશ્યાલીસ્ટ ડોક્ટરોની સેવાઓની જી.જી. સરકારી હોસ્પિટલ ખાતે તારીખવાર ફાળવણી કરવામાં આવેલ છે.

જેમાં નીચે મુજબ સુપર સ્પેશિયાલિસ્ટ ડોક્ટરો પોતાની સેવા આપશે.ડો.વિરલ વ્યાસ, ગેસ્ટ્રોએન્ટ્રોલોજીસ્ટ દર સોમવાર, બુધવાર તથા ગુરૂવારના રોજ બપોરે ૪ થી ૬ કલાક દરમિયાન ઓ.પી.ડી. નંબર ૧૯ ખાતે, ડો. રોમીન સંઘવી – સ્પાઇન સર્જન, મંગળવાર તથા શુક્રવારે સવારે ૯ થી ૧૧ દરમિયાન ઓ.પી.ડી. નંબર ૧૦ ખાતે, ડો.નિશાંત ધરસંડીયા – પીડિયાટ્રિક હિમેટો ઓન્કોલોજીસ્ટ, દર માસના પ્રથમ શુક્રવારે સવારે ૯ થી ૧૨ દરમિયાન પીડિયાટ્રિક ઓ.પી.ડી. ખાતે, ડો.અમિત સીતાપરા-પીડિયાટ્રિક સર્જન, દર માસના પ્રથમ શુક્રવારે, સવારે ૧૦ થી ૧ દરમિયાન પીડિયાટ્રિક ઓ.પી.ડી. ખાતે, ડો.રુચિર મહેતા-વિટ્રીઓ રેટાઇના સ્પેશિયાલિસ્ટ, દર મંગળવારે ૪ થી ૬ કલાક, ગુરુવારે ૯ થી ૧૧ કલાક તથા શુક્રવારે ૯ થી ૧૧ કલાક દરમિયાન ઓ.પી.ડી. ૨૭ ખાતે, ડો.પાર્શ્વ વોરા ડી.એમ. કાર્ડિયોલોજિસ્ટ દર માસના પહેલા તથા ત્રીજા શુક્રવારે સવારે ૧૦ થી ૧ દરમિયાન ઓ.પી.ડી. ૨૩ ખાતે, ડો.હર્ષ શાહ ડી.એન.બી. ન્યુરો સર્જરી દર ગુરૂવારે સવારે ૧૦ થી ૧ દરમિયાન ઓપીડી નં.૮ ખાતે, ડો.ઝલક ઉપાધ્યાય-પીડિયાટ્રિક એન્ડો ક્રાઈનોલોજીસ્ટ દર મહિનાના પહેલા શુક્રવારે સવારે ૧૦ થી ૧ દરમિયાન પીડિયાટ્રિક ઓ.પી.ડી. ખાતે, તેમજ ડો.ધીરેન બુચ-યુરોલોજીસ્ટ, દર શુક્રવારે સવારે ૧૦ થી ૧ દરમિયાન ઓ.પી.ડી.નં. ૨૪ ખાતે પોતાની સેવાઓ આપશે.જેનો વધુમાં વધુ દર્દીઓ તથા જાહેર જનતાએ લાભ લેવા તબીબી અધિક્ષકશ્રી જી.જી. સરકારી હોસ્પિટલ, જામનગરની યાદીમાં જણાવાયું છે.
ફાઈલ .તસ્વીર