દ્વારકા આર્મી ભરતી માં લાખો રૂપિયા ભરીને વગર દોડ્યે, મેડિકલ કર્યા વગર પાસ કરાવાનો ઉલ્લેખ કરતી ઓડિયો કલીપ વાઇરલ.ધ્યાન થી સાંભરો આ ક્લિપ

દેવભૂમિ દ્વારકા

થોડા સમય પહેલા દ્વારકા ખાતે આર્મી ભરતી મેળામાં અમુક સખ્સો દ્વારા કૌભાંડ આચરવામાં આવ્યુ હોવાની કથિત ઓડિયો કલીપ વાયરલ થઇ રહી છે.

ગીર સોમનાથ જીલ્લામાં આર્મી ભરતીની તૈયારી કરાવતી ચોક્કસ ખાનગી સંસ્થાના ચેરમેન અને તેના વતી દલાલ તરીકેની ભૂમિકામાં રહેલ સખ્સ તેમજ ઉમેદવારના વાલી તરીકે બેટ દ્વારકાની કોઈ અજાણી વ્યક્તિ વચ્ચેની કથિત વાર્તાલાપ નો છે.

જેમાં વચેટીયાએ રૂપિયા દોઢ લાખથી નવ લાખ સુધીમાં આર્મી ગ્રાઉન્ડ કે મેડીકલ વગર જ ભરતીનું એડમિટ કાર્ડ બનાવી ભરતી કરી દેવાની બાહેંધરી કોંગ્રેસ ના લેટર પેડ ઉપર આપવાની આપી રહો છે. આ ભરતીના પ્રૂફ રૂપે દલાલે અમુક ઉમેદવારોના ફોટા સાથેના એડમિટ કાર્ડ પણ વોટ્સએપ કર્યા હોવાનો દાવો કરવામાં આવ્યો છે.

ચાર થી પાંચ વખત બંને વચ્ચે થયેલ વાર્તાલાપમાં જામનગર આર્મીના ઉચ્ચ અધિકારીનો પણ ઉલ્લેખ કરવામાં આવ્યો છે. જો કે આ ઓડિયોની પુષ્ટિ થઇ શકી નથી. જો આ ક્લિપમાં જરા પણ સત્ય હોઈ તો આ દેશહિત માટે આ બનાવ લાલબતી સમાન છે .
ખાસ નોંધ .ન્યૂઝ જામનગર.કોમ આ ક્લિપ ની પુષ્ટિ કરતું નથી.