સાંસદ પૂનમબેન માડમે કોરોના સામેની લડતમાં સહભાગી થવા વેકશીનનો પ્રથમ ડોઝ લીધો

જામનગર

વિશ્વના સમૃધ્ધ દેશો પણ જે નથી કરી શક્યા તે
પ્રધાનમંત્રી નરેન્દ્રભાઇ મોદીના નેતૃત્વમાં ભારતે સાર્થક કરી બતાવ્યું છે સાંસદ પૂનમબેન માડમ

જામનગર અને દેવભૂમિ દ્વારકાના ૪૫ વર્ષથી ઉપરના નાગરિકોને
કોઇપણ જાતનો મનમાં ડર રાખ્યા વગર સ્વદેશી બનાવટની
વેકશીન લેવા અપીલ કરતાં સાંસદ પૂનમબેન માડમ

જામનગર તા. ૦૫ એપ્રિલ, નોવેલ કોરોના વાઇરસ (કોવીડ-૧૯)ના સંક્રમણને નિયંત્રણમાં રાખી શકાય તે હેતુથી સમગ્ર ગુજરાત રાજયમાં કોરોના પ્રતિરોધક વેકશીન આપવામાં આવે છે. જામનગર અને દેવભૂમિ દ્વારકાના સાંસદ પૂનમબેન માડમ તથા તેમના પરિવારજનોએ આજરોજ શહેરની જી.જી.હોસ્પિટલ ખાતે વેકશીનનો પ્રથમ ડોઝ લીધેલ હતો.

કોરોના વેકશીનનો પ્રથમ ડોઝ લીધા બાદ સાંસદશ્રી પૂનમબેન માડમે જામનગર અને દેવભૂમિ દ્વારકાના ૪૫ વર્ષથી ઉપરના નાગરિકોને કોઇપણ જાતનો મનમાં ડર રાખ્યા વગર સ્વદેશી બનાવટની વેકશીન લેવા અપીલ કરતાં જણાવેલ કે, સમગ્ર વિશ્વમાં સૌથી મોટું રસીકરણ જો ચાલતું હોય તો તે ભારત દેશમાં ચાલે છે. કોરોના સમયમાં મે પણ જાગૃત રહી આજે કોરોના સામે લડવા માટેનો પ્રથમ ડોઝ લીધેલ છે. સમગ્ર વિશ્વમાં ભારતમાં બનેલ વેક્સીનનો ઉપયોગ થતો હોય ત્યારે આપ સૌ ભારતિય નાગરિકે આ રસીકરણ અભિયાનમાં જોડાવા આહવાન કરતા જામનગર અને દેવભૂમિ દ્વારકાનો એક પણ નાગરિક આ રસીકરણ અભિયાનથી વંચિત ન રહે તે માટે ખાસ તકેદારી રાખવા અપીલ કરેલ હતી.

રસીકરણ કરાવી કોરોના સામેની લડાઇમાં જોડાવા આહવાન કરતાં સાંસદશ્રી પૂનમબેન માડમે વધુમાં ઉમેર્યું કે, ઇન્જેશન લીધા બાદ આડઅસર થાય છે તેવી અફવાઓ હતી પરંતુ મે વેકશીન લીધેલ છે વેકશીન લેવાથી કોઇપણ જાતની આડઅસર થતી નથી. વિશ્વના સમૃધ્ધ દેશો પણ જે નથી કરી શક્યા તે માનનિય પ્રધાનમંત્રી નરેન્દ્રભાઇ મોદીના નેતૃત્વમાં ભારતે સાર્થક કરી બતાવ્યું છે. કોરોના સામેની લડતમાં સામાન્ય માનવીએ જે પહેલ કરેલ છે તે બદલ રસીકરણ પછીની પાયાની સુવિધાઓ તાત્કાલિક મળી રહે તે માટે સાંસદશ્રી તરફથી કીટ આપવામાં આવે છે.

આ તકે સાંસદશ્રી પૂનમબેન માડમની સાથે મેયર બિનાબેન કોઠારી, ભાજપ પ્રમુખ વિમલભાઈ કગથરા, એમ.પી.શાહ મેડિકલ કોલેજના ડીન શ્રીમતી નંદીની દેશાઇ, કોવિડ હોસ્પિટલના નોડેલ ઓફિસર ડો. ચેટરજી ઉપસ્થિત રહ્યાં હતા.