જામનગર ઉધોગનગરમાં સ્વૈચ્છીક લોકકડાઉન નો લેવાયો નિર્ણય જાણો ક્યારે બંધ રહશે ઉધોગનગર.

જામનગર
કોરોના સંક્રમણની ગંભીરતાને ધ્યાને લઇ વેપાર/ઉદ્યોગ જગત દ્વારા સ્વયંભૂ બંધ.

જામનગર શહેરમાં દિન-પ્રતિદિન કોરોનાના કેઇસો સતત વધતા જાય છે અને સ્થિતિ ગંભીર બનતી જાય છે.

ત્યારે આ સંક્રમણની ચેઇન તોડવી જરૂરી હોય જામનગર ચેમ્બર ઓફ કોમર્સ એન્ડ ઇન્ડસ્ટ્રીઝ, જામનગર ફેકટરી ઓનર્સ એસોસિએશન, જી.આઈ.ડી.સી પ્લોટ/શેડ હોલ્ડર્સ એસોસિએશન, જામનગર બ્રાસ ફાઉન્ડરી એસોસિએશન તથા સંલગ્ન સંસ્થાઓ દ્વારા આગામી તા. ૧૬, ૧૭ અને ૧૮ એપ્રિલ ૨૦૨૧ અનુક્રમે શુક્રવાર, શનિવાર અને રવિવારના રોજ જામનગરના વેપાર/ઉદ્યોગને સ્વયંભૂ બંધ રાખવા સર્વાનુમતે નિર્ણય લેવામાં આવેલ છે.

તો પરિસ્થિતિની ગંભીરતા સમજી દરેક ઉદ્યોગકારોને માનવતા દાખવી તેમના એકમોને જડબેસલાક બંધ રાખી અને ખાસ કરીને આ બંધ દરમ્યાન સૌ ઉદ્યોગકારો/કામદારમીત્રો તેમના ઘેર જ રહી આ કપરી પરિસ્થિતિમાં કોરોના સંક્રમણની ચેઇન તોડવામાં સહયોગ આપે તે માટે પ્રમુખશ્રી લાખાભાઈ કેશવાલાની યાદીમાં જણાવાયું છે.

નિશિત આચાર્ય આસી.મેનેજર-એડમીન
જા.ફે.ઓ.એ.-જામનગર