જામનગરના વોર્ડ નં .1માં પાણી નિયમીત આપવા અંગે પૂર્વ કોર્પોરેટર કરી રજુઆત .

જામનગર

જામનગર વોર્ડ નં .૧ના પુર્વ કોર્પોરેટર હુસેનાબેન સંધાર દ્વારા
અનિયમિત પાણી વિતરણ ને લઈ ને જામ્યુકો કમિશનર ને પત્ર લખી રજુઆત કરી. વોર્ડ નો. 1 માં છેલ્લા બે માસથી ત્રણ – ચાર દિવસે પાણી આપવામાં આવે છે . વોર્ડ નં .૧ ના વિસ્તારો જેવા કે બેડી , જોડીયા ભુંગા , માધાપર ભુંગા , દિગ્વીજય સોલ્ટ , ગરીબનગર , પાલ્લાખાણ , ધરારનગર -૧ , વૈશાલીનગર , બેડેશ્વર , એકડેએકવિસ્તાર , હાડકાનું કારખાનું વિગેરેમાં પાણીની તકલીફ છે . હાલમાં કોરોના મહામારીને કારણે સ્વચ્છતા જાળવવા પાણીનો વધુ ઉપયોગ થાય છે . ઉનાળો હોવાથી પાણીનો પીવામાં તેમજ અન્ય વપરાશમાં વધુ ઉપયોગ થાય છે . હાલમાં રમજાન માસ હોવાથી પાણીની જરૂરીયાત રોજીંદી કરતાં વધારે રહે છે .

આવી પરિસ્થિતિમાં પાણીનો ઉપયોગ વધતો જાય છે જયારે પાણી વિતરણ ત્રણ – ચાર દિવસે કરવામાં આવે છે જેને લીધે પાણીની ખુબ જ કટોકટી ઉભી થઈ રહી છે . શહેરમાં અનેક વિસ્તારોમાં નિયમીત પાણી આપવામાં આવે છે અને અમુક વિસ્તારોમાં તો દરરોજ પાણી આપવામાં આવે છે . આવી વિષમ પરિસ્થિતિ પાછળ શું કારણ છે ? શા માટે અમારા વિસ્તારના લોકોને પાણી બાબતે અન્યાય કરવામાં આવે છે .
અમારા વિસ્તારના લોકો કોર્પોરેશનને નિયમિત પાણી અને મિલકતવેરો ભરે છે તો પછી પાણી અનિયમિત શા માટે આપવામાં આવે છે ? રમજાન માસ , ઉનાળાની ઋતુ અને કોરોનાની મહામારીને ધ્યાનમાં લઈ પાણી નિયમિત આપવું ખુબ જ જરૂરી છે .
આ પહેલાં અમો જયારે કોર્પોરેટર તરીકે વોર્ડનં . ૧ માં હતા ત્યારે પાણીના નિયમિત સપ્લાય બાબતે તકેદારી રાખી અને જાગૃતતા દાખવી આ કામગીરી વ્યવસ્થિત કરાવતા હતા જેને લીધે તે સમયમાં નિયમિત પાણી આપવામાં આવતું . કોઈ કારણોસર પાણી આપવામાં અડચણ થાય તો તાત્કાલીક આ બાબતે જવાબદાર અધિકારીશ્રીને ત્રણ કરી આ બાબતે વહેલી તકે યોગ્ય કરવા જણાવતા પરંતુ હાલમાં અમારી જાણમાં પાણીની અનિયમિતતા અંગેની આ બાબત આવતાં અમોને ખુબ જ દુઃખ થયેલ છે . અમો અમારી પૂર્વ કોર્પોરેટર તરીકેની તેમજ અમારા વિસ્તારના લોકોને થતા અન્યાય બાબતે યોગ્ય કરવા રજૂઆત કરેલ છે .
આપશ્રી આ બાબતે વહેલી તકે યોગ્ય કાર્યવાહી કરવા જવાબદાર અધિકારી તરીકે આદેશ કરશો અને આ સમસ્યાનું નિરાકરણ કરશો તેવી અમોને આશા છે . જો આ બાબતે યોગ્ય સમય મર્યાદામાં કોઈ નકકર કાર્યવાહીનકરવામાં આવી તો અમારા વિસ્તારના લોકોને સાથે રાખી લોકશાહી પરંપરા મુજબ આંદોલન કરવાની ફરજ પડશે . આપશ્રી હાલની પરિસ્થિતિની ગંભીરતાને ધ્યાને લઈ આ બાબતે વહેલી તકે યોગ્ય કરશો તેવી આશા સાથે આપશ્રીનો આભાર વ્યકત કરું છું .