દિલ્હી હાઈકોર્ટે કહ્યું ઓક્સિજન સપ્લાઈમાં અવરોધ નાખવાની કોશિશ કરી તો તેને ફાંસી પર લટકાવી દેવામાં આવશે.

દિલ્હીઃ
દિલ્હી હોસ્પિટલોમાં ઓક્સિજનની અછતને લઈને શનિવારે હાઈકોર્ટમાં સુનાવણી થઈ. ઓક્સિજનની અછતને લઈને ચાર હોસ્પિટલોએ દિલ્હી હાઈકોર્ટમાં અરજી કરી છે. આ દરમિયાન ઓક્સિજન સપ્લાઈ રોકવાનો મામલો પણ ઉઠ્યો હતો.

તેના પર હાઈકોર્ટ નારાજગી વ્યક્ત કરતાં કહ્યું કે, જો કોઈપણ સરકારી અધિકારી અથવા કર્મચારીએ ઓક્સિજન સપ્લાઈને રોકવાની કોશિશ કરી, તો તેને ફાંસી પર લટકાવી દેવામાં આવશે. હાઈકોર્ટે તે પણ કહ્યું કે, આવા અધિકારીઓ વિરૂદ્ધ તરત જ એક્શન લેવામાં આવે.

દિલ્હી હાઈકોર્ટે કહ્યું કે, જો કોઈપણ સરકારી અધિકારી પછી તે ભલે કેન્દ્રનો હોય કે રાજ્યોનો, જો તેને ઓક્સિજન સપ્લાઈમાં અવરોધ નાખવાની કોશિશ કરી તો તેને ફાંસી પર લટકાવી દેવામાં આવશે.

જસ્ટિસ વિપિન સાંધી અને જસ્ટિસ રેખા પાલ્લીની બેન્ચે આ વાત મહારાજ અગ્રેસન હોસ્પિટલની અરજી પર સુનાવણી દરમિયાન કહી. બેન્ચે કહ્યું કે, દિલ્હી સરકાર અમને જણાવે કે ઓક્સિજનની સપ્લાઈમાં અવરોધ કોણ નાંખી રહ્યું છે,

અમે તે વ્યક્તિને ફાંસી આપીશું. અમે કોઈને પણ છોડીશું નહીં. બેન્ચે દિલ્હી સરકારને તે પણ કહ્યું કે, તેઓ કેન્દ્રને પણ આવા અધિકારીઓ વિશે જણાવે, જેથી તેમના વિરૂદ્ધ કાર્યવાહી કરવામાં આવી શકે.