જામનગર જિલ્લાના નવ ટાપુઓ પર પૂર્વ મંજૂરી વિના પ્રવેશ પર પ્રતિબંધ

જામનગર
જામનગર તા. ૦૧ મે,જામનગર જિલ્લો ભારતની પશ્ચિમ આંતરરાષ્ટ્રીય દરિયાઇ સીમાએ આવેલ અતિસંવેદનશીલ જિલ્લો છે. જામનગર જિલ્લામાં કુલ નવ દરિયાઈ ટાપુ આવેલ છે, જેમાંથી એકમાત્ર પીરોટન ટાપુ પર માનવવસાહત આવેલ છે, જ્યારે ૯ ટાપુઓ માનવવસાહતરહિત છે. આ નિર્જન ટાપુઓ ઉપર ધાર્મિક જગ્યાઓ આવેલ છે. જે જગ્યાઓએ અવારનવાર ધાર્મિક પ્રસંગોએ અને દર્શન અર્થે માણસો અવરજવર કરે છે. આ ટાપુઓ પર રાષ્ટ્રવિરોધી અને દાણચોરી જેવી ગેરકાયદેસર અને અસામાજિક પ્રવૃત્તિઓ કરતાં ઇસમો સહેલાઈથી આશ્રય મેળવી અથવા હથિયારો અને નશાકારક પદાર્થ છુપાવવા ટાપુઓનો ઉપયોગ કરે તેવી પૂરી સંભાવના છે.
રાષ્ટ્રીય સલામતી અને જાહેર વ્યવસ્થાને ધ્યાને લઇ આતંકવાદી અને દેશદ્રોહી પ્રવૃત્તિઓને રોકવા અધિક જિલ્લા મેજિસ્ટ્રેટ રાજેન્દ્ર સરવૈયા દ્વારા ફોજદારી કાર્યરીતી અધિનિયમ-૧૯૭૩ની કલમ -૧૪૪ અન્વયે મળેલ સત્તાની રૂઇએ તા.૨૯-૦૬-૨૦૨૧ સુધી જામનગર જિલ્લાના નવ ટાપુઓ પર નાયબ પોલીસ અધિક્ષક , મુખ્ય મથકની લેખિત પૂર્વમંજૂરી વિના પ્રવેશ કરવા પર પ્રતિબંધ ફરમાવતું જાહેરનામું બહાર પાડવામાં આવેલ છે.
આ જાહેરનામાનો