આઉટ સોર્સીંગ તરીકે ફરજ બજાવતા કર્મચારીઓ પોતાના પગાર વધારા સહિતની માંગણીઓ સંદર્ભમાં આજે દેખાવો કર્યા હતાં

જામનગર
જમનગરની એમ.પી.શાહ મેડિકલ કોલેજ, જી.જી. સરકારી હોસ્પિટલ સહિતના કર્મચારીઓ આઉટ સોર્સીંગ તરીકે ફરજ બજાવતા કર્મચારીઓ પોતાના પગાર વધારા સહિતની માંગણીઓ સંદર્ભમાં આજે દેખાવો કર્યા હતાં અને આવેદનપત્ર પાઠવ્યા હતાં અને તા. ૧૨ થી ગાંધી ચિંધ્યા માર્ગે આંદોલન કરવાની ચીમકી આપી હતી.

મેડિકલ કોલેજ તેમજ જી.જી.હોસ્પિટલમાં આઉટ સોર્સીંગથી ૪૦૦ જેટલા કર્મચારીઓ કામ કરી રહ્યાં છે.
પગાર વધારો કરવા અને અમારી બીજી માંગણીઓ સ્વીકારવા બાબત ઉપરોક્ત વિષય સાથે આપશ્રીને નમ્ર અરજ સાથે જણાવવાનું કે છેલ્લા ૫ વર્ષ પુરા થઇ ગયેલ હોવા છતા અમારી પડતર માંગણીઓને હકારાત્મક વાંચા મળેલ ન હોવાથી અને છેલ્લા એક વર્ષથી અમો આઉટસોર્સ કર્મચારીઓ અમારા કુટુંબની પરવા કર્યા વગર અમારા જીવના જોખમે કોરોના વોરીઅર્સ તરીકે નિષ્ઠાપૂર્વક કામગીરી કરી રહ્યા છીએ એ કામગીરી ને પણ ધ્યાને લેવામાં આવતી નથી . તેથી અમો આઊટસોર્સ કર્મચારીઓની સતત અવગણના થઇ રહી હોઈ એવું લાગી રહ્યું છે.

આથી તમામ આઉટસોર્સ કર્મચારીઓના સતત હકારાત્મક પરિણામની આશાસ્પદ સવાલોના લાંબા સમયથી પણ જો નિરાકરણ ન આવી શકતુ હોય તો આ ખુબ જ અમો આઊટસોર્સ પ્રત્યે રાજ્યસરકાર તેમજ આપ અધિકારીશ્રીઓ દ્વારા બેદરકારી દાખવી રહ્યા હોઈ તેવું લાગી રહ્યું છે .

હાલમાં અત્યારે તત્કાલીન કોવિડ ડયુટી માટે ભરતી કરેલ દરેક કેડરનાં નવા અને બીનઅનુભવી સ્ટાફને ખુબ જ વધુ પગાર આપવામાં આવે છે પરંતુ તે જ કામ વર્ષોથી કરતા અનુભવી સ્ટાફ ને તેમજ તે મુજબ યોગ્ય પગાર આપવામાં આવતો નથી તો પણ અમે આઊટસોર્સ કર્મચારી છેલ્લા એક વર્ષથી પુરા ખંત અને નિષ્ઠાપૂર્વક કોરોના વોરીઅર્સ તરીકે કામ કરી રહ્યા છીએ . અમો માણસાઈ ભૂલ્યા નથી . આગામી તા .૧૨ / ૦૫ / ૨૦૨૧ સુધીમાં અમારી માંગણી સંતોષવામાં નહી આવે તો ફરજીયાત અમારે અમારા હકક માટે ગાંધી ચિંધ્યા માર્ગે કાર્યક્રમો કરવા પડશે . આ દરમિયાન જનતાને અતિ આવશ્યક એવા આરોગ્ય વિષયક સેવાઓમાં જે પણ તકલીફ પડશે તેમની સંપૂર્ણ જવાબદારી આપશ્રીની રહશે .