સુરજકરાડી માં સામાન્ય માથાકૂટમાં રિક્ષા ચાલક નું ખૂન કરનાર આરોપીઓને પોલીસએ ગણતરી ની કલાકોમાં ઝડપી લીધા.

દેવભૂમિ દ્વારકા
દ્વારકા તાલુકા ના સુરજકરાડી માં ઘર નજીક બેસવાની બાબતે નાં પાડતા સામાન્ય ઝગડો હત્યા સુધી પહોંચી ગયો.

દેવભૂમિ દ્વારકા જિલ્લાના દ્વારકા તાલુકાના આરભડા ગામે રહેતા લાલાભા માણેક નાં ઘર નજીક સ્થાનિક યુવાનો બેસવા આવતા હતા જે અંગે લાલાભા માણેક દ્વારા યુવાનોને બેસવાની નાં પાડી હતી તેથી યુવાનો અને લાલાભા માણેક વચ્ચે સામાન્ય બોલાચાલી થઈ હતી. પરંતુ સ્થાનિક યુવાનો આ બોલાચાલી ને આગળ વધારી તા.26 મે નાં સાંજે લાલાભા માણેકને સુરજકરાડીનાં હરસિધ્ધી ચાની હોટલે ચા પીતો હોય ત્યારે પાછળથી ત્રણેય યુવાનોએ આવી તીક્ષ્ણ હથીયાર વડે લાલાભાને માથાના ભાગે તથા જમણા ગાલ પર અને કાન નીચે તથા શરીરે મારમારી ઇજા કરી ફરી ભાગી ગયા હતા , ગંભીર રીતે ઇજાગ્રસ્ત લાલાભાને સ્થાનિક લોકો દ્વારા મીઠાપુર હોસ્પિટલ ઉપર ખસેડવામાં આવે તે પહેલાં તેનું મૃત્યુ થયું હતું.

બનાવની જાણ થતા મીઠાપુર પોલીસ,જિલ્લા ડી. વાય.એસ.પી. હિતેન્દ્ર ચોધરી દોડી આવ્યા હતા,અને મૃતકના પરિવારને સાથે વાતચીત કરી તુરત ત્રણ જેટલા યુવાનોને પકડી પાડયા હતા. પોલીસે જાહેર કરેલા આરોપીઓ માં પપ્પુભા ઉર્ફે રાહુલ ઉર્ફે સુનિલ ઉર્ફે ભીમાભા અમરસંગભા જગતીયા , ભુપતભા આશાભા માણેક અને વિજય કારૂભા સુમાણીયા ત્રણે આરોપીઓ દ્વારકા તાલુકા ના રહેવાસીઓ છે.ત્રણે આરોપીઓ ને પોલીસ દ્વારા ઇ.પી.કો કલમ-૩૦૨,૧૧૪ તથા GP Act ૧૩૫(૧) મુજબનો ગુન્હો નોંધી સઘન પુછપરછ કરી હતી.

અહેવાલ. રજનીકાંત જોશી.