સરસ્વતી સાધના યોજના હેઠળ શહેરની ૧૮૭ વિદ્યાર્થિનીઓને સાયકલ અર્પણ કરતા રાજ્યમંત્રી ધર્મેન્દ્રસિંહ જાડેજા

જામનગર

જામનગર તા.૦૪ જુન, રાજ્યમંત્રી ધર્મેન્દ્રસિંહ જાડેજાએ આજે શહેરની જી.એસ.કન્યા વિદ્યાલય ખાતે રાજય સરકારના સમાજ કલ્યાણ વિભાગ હેઠળની સરસ્વતી સાધના યોજના અંતર્ગત ૧૮૭ વિદ્યાર્થીનીઓને સાયકલનું વિતરણ કર્યું હતું. આ યોજના હેઠળ ધોરણ ૯ માં અભ્યાસ કરતી જામનગર શહેરની બક્ષીપંચ, આર્થિક પછાત વર્ગ, અનુસૂચિત જાતિ તથા અનુસૂચિત જનજાતિની ૧૮૭ વિદ્યાર્થિનીઓને સાયકલ મળવાપાત્ર થતી હતી જેનું રાજ્યમંત્રી ધર્મેન્દ્રસિંહ જાડેજાના વરદ હસ્તે શાળાના પ્રાંગણમાં પ્રતીક વિતરણ કરાયું હતું.

આ પ્રસંગે મેયર બીનાબેન, સ્ટેન્ડિંગ કમિટીના ચેરમેન મનીષભાઈ કટારીયા, ડેપ્યુટી મેયર તપનભાઇ પરમાર, શહેર ભાજપ પ્રમુખ વિમલભાઈ કગથરા, પૂર્વ શહેર અધ્યક્ષ હસમુખભાઈ હિંડોચા, વોર્ડ નં.૩ના કોર્પોરેટર સર્વેશ્રી સુભાષભાઈ, પરાગભાઈ, અલ્કાબા, પન્નાબેન, પ્રમુખ કરસનભાઈ ડાંગર, મંત્રી હીરાબેન, સુચેતનાબેન, સહમંત્રી મુક્તાબેન તથા પ્રતિમાબેન, દિનેશભાઈ પટેલ પૂર્વ મેયર, દિલીપ સિંહ જાડેજા, નિતીનભાઈ સોલાણી, નરેન ગઢવી, નગીનભાઈ ખીરસરીયા, સ્વરૂપાબા જાડેજા, હંસાબેન ભંડેરી, ભાવેશભાઈ કાનાણી, આદિત્યભાઈ ત્રિવેદી, વિનય ઠાકર, વિક્રમસિંહ જાડેજા, રાજુભાઈ મારફતિયા સહિતના ઉપસ્થિત રહ્યાં હતા.