નબળી પ્રી -મોન્સુન કામગીરી અંગે પગલા લેવા અંગે વિરોધ પક્ષ દ્વારા આવેદન પત્ર પાઠવવામાં આવ્યું.

જામનગર
નબળી પ્રી -મોન્સુન કામગીરી અંગે પગલા લેવા અંગે વિરોધ પક્ષ દ્વારા આવેદન પત્ર પાઠવવામાં આવ્યું.

ચોમાસું નજીક હોય , મહાનગરપાલિકા દર વખતની જેમ છેલ્લે છેલ્લે વરસાદી પાણીના નિકાલની કેનાલો સાફ કરવા માટેની કામગીરી શરુ કરેલ છે . આ કામગીરી ઘણી મોડી શરૂ કરેલ છે.અને કેનાલ સાફ થાય છે . તેના કરતા કાગળ ઉપર સફાઈ વધારે થાય છે . અને છેલ્લે કોર્પોરેશન ની તીજોરી સાફ થશે . આ કામગીરી અંગે કુલ ૪૬,૦૦,૦૦૦ / – જેવી મોટી રકમ મંજુર કરવામાં આવેલ છે.દસ અલગ – અલગ ભાગ પાડવામાં આવેલ છે.અને અલગ – અલગ જગ્યાએ કામગીરી ના નાટક ચાલુ થયેલ છે .

આ કામગીરી માટે જે ટેન્ડરો બહાર પાડવામાં આવેલા છે.તેમાં ઘરના ભુવા અને ઘર ના ડાકલા જેવો ધાર થયેલ છે . આ કામગીરી અત્યંત ધીમી થાય છે.અને વરસાદ થાય તેની રાહ જોવાઈ રહી છે.જેથી વરસાદ આવે પ્રી – મોન્સુન કામગીરી પુરેપુરી દેખાડીને તમામ બીલો બનાવી દેવામાં આવે . પ્રી – મોન્સુન કામગીરી કેવી થઇ રહી છે.તે અંગે વર્તમાન પત્રોમાં છેલ્લા અઠવાડિયા થી ફોટા સહીત કચરાથી ખદબદતી કેનાલોના ફોટા સાથે વિગતો પ્રગટ થઇ રહી છે .

છતાં મહાનગરપાલિકાના કોઈપણ અધિકારી કે શાશક પક્ષે આ બાબતે કોઈ જાહેર રસ્પષ્ટતા કે હકીકત જાહેર કરવાની તસદી પણ લીધેલ નથી.અને અખબારી અહેવાલો સચોટ હોય કહી કહેવાપણું રહેતું નથી .ચોમાસામાં વરસાદ શરુ થયે ફરી અનેક જગ્યાઓમાં પાણી ભરાશે , લોકો હેરાન પરેશાન થશે.અને જાન મહાલનું નુકશાન થશે .

તે વધારામાં.આથી આ આવેદન પત્રથી અમો વિરોધપક્ષ સ્પસ્ટ ચેતવણી આપીએ છીએ કે જો પ્રી – મોન્સુન કામગીરી પુરેપુરી અને યોગ્ય રીતે નહિ થાય તો આ અંગે આંદોલન કરવામાં આવશે , અને ખોટા બીલો બનાવી જામનગર ની જનતા ને ટેકસના નાણાની ઉચાપત કરવા માટે અને જવાબદારો પાસેથી વસુલ કરવા અંગે કોર્ટ કાર્યવાહી પણ કરવામાં આવશે . જેની સ્પષ્ટ પણે ચીમકી આપીએ છીએ શારા પક્ષ ના મળતિયા કોન્ટ્રાકટરોને પ્રી – મોન્સુન કામગીરીના નામે મહાનગરપાલિકાની તિજોરી ઉપર લુટ કરવા નહિ દઈએ.જેની દરેક નોંધ લેવા જનતા ને જણાવેલ છે.
અહેવાલ સબીર દલ