ખેડૂતો માટે કૃષિ ઉત્પાદનના પરિવહન માટે મીડીયમ સાઇઝના વાહન ખરીદવા માટે .સર્વે ખેડૂત મિત્રોને જિલ્લા ખેતીવાડી અધિકારી જામનગરની યાદીમાં જણાવવામાં આવેલ છે .

જામનગર
માલવાહક વાહન માટે તા. ૩૧-૦૭-૨૦૨૧ અને
સોલાર લાઇટ ટ્રેપ માટે તા. ૩૦-૦૬-૨૦૨૧ સુધીમાં અરજી કરવી
જામનગર તા.11 જુન, જામનગર જિલ્લાના સર્વે ખેડૂત મિત્રોને જિલ્લા ખેતીવાડી અધિકારી જામનગરની યાદીમાં જણાવવામાં આવેલ છે કે, રાજ્ય સરકાર દ્વારા વર્ષ ૨૦૨૧-૨૨ અંતર્ગત ખેડૂતો માટે કૃષિ ઉત્પાદનના પરિવહન માટે મીડીયમ સાઇઝના વાહન ખરીદવા માટેની કિસાન પરિવહન યોજના હેઠળ માલ વાહક વાહન ઉપર સહાય મેળવવા માટે તા.૩૧/૦૭/૨૦૨૧ સુધી તથા સોલાર લાઈટ ટ્રેપ (સુર્ય પ્રકાશ ઉર્જા પિંજર) ઉપર સહાય મેળવવા માટે તા.૩૦/૦૬/૨૦૨૧ સુધી આઇ ખેડૂત પોર્ટલ ખુલ્લુ મુકવામાં આવેલ છે.

તો ઉપરોક્ત ઘટકમાં લાભ લેવા ઇચ્છતા જામનગર જિલ્લાના ખેડૂત ખાતેદારોએ આઇ-ખેડૂત પોર્ટલ પર અરજી કરી સહી કરેલ અરજીની નકલ સાથે ખેડૂત ખાતેદારનો જમીનનો-૮ અના દાખલા, આધારકાર્ડની નકલ તથા બેંક પાસબુકની નકલ/ કેન્સલ ચેક તાલુકા પંચાયતની ખેતીવાડી શાખામાં અરજી કર્યાના દિન-૭માં પહોંચાડવા જણાવવામાં આવે છે.
ફાઈલ તસ્વીર.