બહુચર્ચિત હનીટ્રેપ કાંડ માં વધુ એક તત્કાલીન પી.એસ.આઇ ની ધરપકડ કરતી શહેર ક્રાઈમ બ્રાન્ચ.

અમદાવાદ
મહિલા પોલીસ સ્ટેશન પુર્વના તત્કાલિન પોલીસ સબ ઇન્સ્પેકટર ની ધરપકડ કરતી અમદાવાદ શહેર ક્રાઈમ બ્રાન્ચ ગઇ તા . ૦૩/૦૨/૨૦૨૧ ના રોજ મહિલા ક્રાઇમબ્રાન્ચ કચેરીના મદદનીશ પોલીસ કમિશ્નરને એક અરજી તપાસમાં મળેલ . જે અરજીમાં અરજદાર તથા સાહેદને ફેસબુકમાં ફેક આઇડી મારફતે ફ્રેન્ડ રીકવેસ્ટ મોકલી માણસોને ફસાવી તેઓના વિરુધ્ધમાં બળાત્કાર અને રેપની અરજીઓ આપી બળાત્કાર તેમજ પોક્સો જેવા કેસોમાં ફસાવી દેવાની ધમકી આપી . સમાધાન પેટે પૈસા બળજબરીથી કઢાવી તેમજ પોલીસ તરીકેની ખોટી ઓળખ આપી ધમકી આપી માતબર રકમો પડાવ્યા બાબતની અરજી કરેલ હતી .

જેથી અમદાવાદ શહેર ક્રાઇમબ્રાન્ચના અધિક પોલીસ કમિશ્નર પ્રેમ વીર સિંગ સાહેબ તથા નાયબ પોલીસ કમિશનર ચૈતન્ય આર . મંડલીક સાહેબ તથા અમદાવાદ શહેર મહિલા ક્રાઇમબ્રાન્ચના મદદનીશ પોલીસ કમિશ્નર શ્રીમતી મિની જોસેફ નાઓએ ઉપરોકત અરજીની ગંભીરતા ધ્યાને લઇ અરજદારશ્રીની અરજી ના આક્ષેપોને મળતી અને ભળતી અરજીઓ કે અન્ય બનાવો બાબતે ખાત્રી તપાસ કરતા ચાર અરજીઓ મળી આવેલ

જે અરજીઓ સબંધે એ.સી.પી. મહિલા સેલ નાઓએ તપાસ કરી મહિલા પોલીસ સ્ટેશન પશ્ચિમ ગુ.ર.નં .૧૧૧૯૧૦૩૦૨૧૦૦૧૬ / ૨૦૨૧ ધી ઇ.પી.કો કલમ ૩૮૪ , ૩૮૮ , ૩૮૯ , ૫૦૬ ( ૧ ) , ૧૭૦ , ૧૨૦ ( બી ) તથા આઇ.ટી એકટ કલમ ૬૬ ( સી ) , ૬૬ ( ડી ) મુજબનો ગુન્હો નોંધવામાં આવેલ . જે ગુન્હાની તપાસ તજવીજ શ્રી પી.બી.દેસાઇ , પોલીસ ઇન્સ્પેકટર નાઓએ હાથ ધરેલ . અગાઉ આ ગુન્હામાં આરોપીઓ ( ૧ ) જીતેન્દ્ર ઉર્ફે જીતુ S / O નાથાલાલ ઉર્ફે નાન્હાલાલ જાતે મોદી ઉવ .૫૮ ( ૨ ) બિપીનભાઇ શનાભાઇ પરમાર ( ઉપાધ્યાય ) ઉ.વ .૪૮ ( ૩ ) ઉન્નતી ઉફે રાધીકા D / O રાકેશભાઇ રામચંદ્ર રાજપુત ઉ.વ .૧૯ તથા ( ૪ ) જાનવી ઉર્ફે જીનલ ડો / ઓફ આનંદસિહ સામંતસિહ પઢીયાર ઉ.વ .૧૯ તથા ( ૫ ) મહિલા પોલીસ સ્ટેશન પુર્વના તત્કાલિન પોલીસ ઇન્સ્પેકટર ગીતાબાનું હયાતખાન પઠાણ તથા ( ૬ ) અમરબેન ઉર્ફે અમર D / o મોહનભાઇ ડુંગરભાઇ સોલંકી ઉ.વ .૩૪ તથા ( ૭ ) મહિલા પોલીસ સ્ટેશન ના વુમન હેડ કોન્સ . શારદાબેન નાનજીભાઇ ખાંટ નાઓને અટક કરવામાં આવેલ છે .

અગાઉ પકડાયેલ આરોપીઓએ ફેસબુકમાં અલગ અલગ છોકરીઓના નામથી ફેક્ટ એકાઉન્ટ બનાવેલ છે . જેમાં મોટા વેપારીઓને ફ્રેન્ડ રિકવેસ્ટ મોકલી મેસેન્જરથી ચેટીંગ કરી બાદ પકડાયેલ યુવતી તે પુરુષોને મુલાકાત સારુ બોલાવી હોટલ ના રૂમમાં કે ફોરવ્હીલ ગાડીઓમાં એકાંતની પળો માંણી તે પુરુષો વિરુધ્ધમાં બળાત્કાર કે શારીરીક અડપલા જેવા ગંભીર આક્ષેપો કરતી અરજીઓ લખી શાહીબાગ ખાતે આવેલ મહિલા પોલીસ સ્ટેશન પુર્વ માં આપતા હતા . આમ એક જ નામવાળા તથા મળતા અને ભળતા આક્ષેપો વાળી અરજીઓ એકજ પોલીસ સ્ટેશન માં આપવામાં આવતી અને સમાધાન કરી રૂપિયા પડાવવામાં આવતા હોય , જેથી ગુન્હામાં પોલીસ સ્ટેશનના કર્મચારીઓ કે અધિકારી સંડોવાયેલ છે કે કેમ ? તે દિશામાં ઉંડાણ પૂર્વક તપાસ હાથ ધરવામાં આવેલ . તપાસ દરમ્યાન ફરિયાદી તથા સાહેદો ની ધનિષ્ઠ પુછપરછ દરમ્યાન તથા પકડાયેલ આરોપીઓની સંઘન પુછપરછ દરમ્યાન , તેમજ પોલીસ સ્ટેશન ના કર્મચારીઓના નિવેદનો લેવામાં આવેલ , તેમજ તપાસના કામે રાખેલ અરજીઓ બાબતે ચોક્કસ માહિતીઓ એકત્રીત કરતા મહિલા પોલીસ સ્ટેશન ના તત્કાલિન પોલીસ ઇન્સ્પેકટર જી.એચ. પઠાણ તથા તત્કાલિન પો.સ.ઇ. જે . કે . બ્રહ્મભટ્ટ તથા વુમન હેડ કોન્સ . શારદાબેન નાનજીભાઇ ખાંટ નાઓની સંડોવણી હોવાનુ જણાય આવેલ . ઉપરોક્ત ગુન્હામાં આજરોજ તા .૧૩ / ૦૬ / ૨૦૨૧ ના કલાક ૧૨/૧૫ વાગ્યે પો.સ.ઇ. , જે . કે . બ્રહ્મભટ્ટ નાઓને અટક કરવામાં આવેલ છે . પો.સ.ઇ. જે . કે . બ્રહ્મભટ્ટનાઓએ અગાઉ પકડાયેલ આરોપીઓ પાસેથી નક્કી કર્યા મુજબ અરજીઓ સ્વીકારી સામાવાળાઓને ફોન કરી પોલીસ સ્ટેશન બોલાવી સમાધાન કરવા સારુ દબાણ કરેલ છે , જેથી આવા અન્ય કોઇ ઇસમો સાથે મળી ગુનાહીત પ્રવૃતિઓ કરેલ છે કે કેમ ? તે બાબતે વધુ તપાસ હાથ ધરેલ છે .