Other

વિશ્વ રક્તદાતા દિન નિમિત્તે આઈ.એન.એસ. વલસુરા ખાતે બ્લડ ડોનેશન કેમ્પ યોજ્યા .

News Jamnagar June 14, 2021

જામનગર

વિશ્વ રક્તદાતા દિન નિમિત્તે જામનગરના આઈ.એન.એસ. વલસુરા ખાતે 14 જૂન 21 ના રોજ રક્તદાન શિબિરનું આયોજન કરવામાં આવ્યું હતું. જામનગરની ગુરુ ગોવિંદસિંઘ હોસ્પિટલ સાથે સંપર્કમાં શિબિરનું આયોજન કરવામાં આવ્યું હતું,

જેમાં COVID-19 રોગચાળાને કારણે થતી લોહીની અછતને પહોંચી વળવા માટે સ્થાનિક લોકોને મદદ મળી રહે તે હેતુથી જામનગરની ગુરુ ગોવિંદસિંહ હોસ્પિટલ સાથે સંપર્ક કરવામાં આવ્યો હતો.

શિબિરનું ઉદઘાટન કરતાં કમાન્ડિંગ ઓફિસર આઈ.એન.એસ. વલસુરાએ સ્વયંસેવકોની પ્રશંસા કરી જેમાં સ્ટાફ અધિકારીઓ, નાવિક, સંરક્ષણ નાગરિકો અને તાલીમાર્થીઓ શામેલ છે. તમામ COVID-19 પ્રોટોકોલોનું પાલન કરતા, વલસુરા પરિવારે ગુરુ ગોવિંદસિંહ હોસ્પિટલમાં 100 યુનિટ રક્તદાન કર્યું હતું.