જામનગર જિલ્લા મહેસૂલ કર્મચારી મંડળ દ્વારા જામનગર જિલ્લા કલેકટર રવિશંકરને ભાવપૂર્ણ વિદાયમાન

જામનગર જિલ્લા મહેસૂલ કર્મચારી મંડળ દ્વારા જામનગર જિલ્લા કલેકટર રવિશંકરને ભાવપૂર્ણ વિદાયમાન

જામનગર તા. ૨૩ જૂન, જામનગર જિલ્લા કલેકટર રવિશંકર સ્ટેચ્યુ ઓફ યુનિટી ખાતે બદલી થતા જામનગર જિલ્લા મહેસુલ કર્મચારી મંડળ અને સર્વે અધિકારી-કર્મચારીઓ દ્વારા  વિદાયમાન આપવાનો કાર્યક્રમ યોજાયો હતો.

જિલ્લામાં સાડા ત્રણ વર્ષથી વધુના સમય કલેકટર રહી ચૂકેલા કલેકટરશ્રી રવિશંકરે અનેકવિધ યોજનાઓના અમલ સાથે વિકાસ કામો, સુવિધાઓની ભેટ જામનગરને આપી છે. આ ઉપરાંત એક કડક અને નિષ્ઠાવાન અધિકારી તરીકેની તેમની પ્રશંસનીય કામગીરી રહી છે.

વિદાયમાન વેળાએ  અધિક નિવાસી કલેક્ટરશ્રી રાજેન્દ્ર સરવૈયાએ કહ્યું હતું કે, લોકો માટે કોઈપણ યોજના, કોઈપણ પ્રશ્ન બાબતે સતત જાગૃત રહીને તેના અમલીકરણ વિશે સતત મોનીટરીંગ કરીને જિલ્લા કક્ષાએ દરેક વ્યવસ્થાઓમાં સુગમતાનો ઉમેરો કલેક્ટરશ્રી રવિશંકર કર્યો છે તેમજ ખૂબ જ સરળ વ્યક્તિત્વ અને પ્રશ્નના તત્કાલ નિવારણ માટે કલેક્ટરશ્રીના ત્વરિત નિર્ણય ખુબજ મહત્વપૂર્ણ રહ્યા છે.     
મહેસુલી કર્મચારી મંડળના ચેતનભાઈ ઉપાધ્યાયે કલેક્ટર રવિશંકરે સર્વે કર્મચારીઓને આપેલા સહયોગ અને એક શ્રેષ્ઠ અધિકારી તરીકે કર્મચારીઓના પીઠબળ સમાનની તેમની ભૂમિકાની પ્રશંસા કરી હતી. આ સાથે નાયબ કલેક્ટર, નાયબ ચૂંટણી અધિકારીશ્રી, સર્વે પ્રાંત અધિકારીશ્રીઓ, સર્વે મહેસુલ કર્મચારીઓ દ્વારા કલેકટરને તેમના ઉજ્જવળ ભવિષ્ય માટે શુભકામનાઓ પાઠવવામાં આવી હતી.