સર્વ શિક્ષા અભિયાન ગાંધીનગરના સ્ટેટ પ્રોજેકટ ઇજનેર , વર્ગ -૨ ના અધિકારી 2 લોકર માંથી 2 કરોડ 27લાખ નો.મુદ્દામાલ કબ્જે લેતી.એ.સી.બી

ગાંધીનગર
સર્વ શિક્ષા અભિયાન ગાંધીનગરના સ્ટેટ પ્રોજેકટ ઇજનેર , વર્ગ -૨ , ના અધિકારી નિપુણભાઈ ચન્દ્રવદન ચોકસી , રૂ .૧,૨૧,૦૦૦ / – ની લાંચ લેતા ઝડપાયેલ આરોપીના “ રિમાન્ડ ” દરમ્યાન રૂ .૨,૨૭,૨૫,૦૦૦ / – ( અંકે રૂપિયા બે કરોડ સત્યાવીસ લાખ પચીસ હજાર પુરા ) કબજે કરતી એ.સી.બી. ગાંધીનગર એ.સી.બી. પોલીસ સ્ટેશન ગુ.ર.નં .૦૬ / ૨૦૨૧ , ભ્રષ્ટાચાર નિવારણ અધિનિયમ -૧૯૮૮ ( સુધારા -૨૦૧૮ ) ની કલમ -૭,૧૩ ( ૧ ) મુજબનો ગુનો નિપુણભાઇ ચંદ્રવદન ચોક્સી , સ્ટેટ પ્રોજેક્ટ ઇજનેર , વર્ગ -૨ , સર્વ શિક્ષા અભિયાન , સેક્ટર -૧૭ , ગાંધીનગર નાઓ વિરૂધ્ધ તા .૧૭ / ૦૭ / ૨૦૨૧ ના રોજ નોંધાયેલ .

જેમાં આરોપીએ લાંચના છટકા દરમ્યાન ફરિયાદી પાસેથી લાંચના રૂ .૧,૨૧,૦૦૦ / -ની લાંચની માંગણી કરી લાંચના નાણાં સ્વિકારી પકડાઈ ગયેલ આરોપીના ઘરની ઝડતી દરમ્યાન રૂ .૪,૧૨,૨૦૫ / – ( અંકે રૂપિયા ચાર લાખ બાર હજાર બસો પાંચ પુરા ) મળી આવેલ . આ ગુનામાં આરોપીને અટક કરી મે.નામદાર સેશન્સ કોર્ટ , ( એ.સી.બી. ) ગાંધીનગર ખાતે “ રિમાન્ડ ” ની માંગણી સાથે રજુ કરતા નામદાર કોર્ટે આરોપીના દિન -૨ ના રિમાન્ડ મંજુર કરેલ .
રિમાન્ડ દરમ્યાન આરોપીના ગાંધીનગર નાગરિક કો.ઓપરેટીવ બેન્ક , મીના બજાર , સચિવાલય બ્રાન્ચ ખાતેના આવેલ એક લોકરની ઝડતી દરમ્યાન અલગ અલગ દરની ભારતીય ચલણી નોટો રૂ .૭૪,૫૦,૦૦૦ / – ( અંકે રૂપિયા ચુમ્મોતેર લાખ પચાસ હજાર પુરા ) રોકડા તથા ગાંધીનગર કો.ઓપરેટીવ બેન્ક , ઘ -૨ બ્રાન્ચ , સેકટર -૬ , ગાંધીનગર ખાતે આવેલ અન્ય બે લોકરોની ઝડતી કરતા જેમાં અલગ અલગ દરની ભારતીય ચલણી નોટો રૂ . ૧,૫૨,૭૫,૦૦૦ / ( અંકે રૂપિયા એક કરોડ બાવન લાખ પંચોતેર હજાર પુરા ) રોકડા મળી એમ બન્ને મળી કુલ રૂ .૨ , ૨૭ , ૨૫,૦૦૦ / – ( અંકે રૂપિયા બે કરોડ સત્યાવીસ લાખ પચીસ હજાર પુરા ) મળી આવેલ આજરોજ કેનેરા બેંક , ગાંધીનગરમાં આરોપીના લોકરની ઝડતી કરતા તેમાંથી આશરે ૩૦૦ ગ્રામ સોનાના દાગીના જેની આશરે કિંમત રૂ .૧૦,૦૦,૦૦૦ / – ના સોનાના દાગીના મળી આવેલ છે .

જે અંગેની કાર્યવાહી ચાલુ છે . આ અગાઉ ગાંધીનગર એ.સી.બી. પો.સ્ટે . ગુ.ર.નં. ૦૨/૨૦૨૦ ભ્રષ્ટાચાર નિવારણ અધિનિયમ -૧૯૮૮ ( સુધારો -૨૦૧૮ ) ની કલમ -૧૩ ( ૧ ) ( બી ) તથા ૧૩ ( ૨ ) મુજબના ગુનાના આરોપી ભાયાભાઇ ગીગાભાઇ સુત્રેજા , પ્રાદેશિક અધિકારી , વર્ગ -૧ , ગુજરાત પ્રદુષણ નિયંત્રણ બોર્ડ , જામનગરના લોકર સર્ચ કરતા રોકડ તેમજ સોના ચાંદીના દાગીના મળી કુલ રૂ .૧,૨૭,૯૫,૮૩૪ / ની રકમ મળી આવેલ હતી . તેમજ અમદાવાદ શહેર એ.સી.બી. પો.સ્ટે . ગુ.ર.નં .૨૮ / ૨૦૧૫ ના કામે આરોપી રમણભાઇ ચારેલ , ડાયરેકટર બોઈલર શ્રમ અને રોજગાર વિભાગ નાઓના લોકરના સર્ચ દરમ્યાન રૂ .૩૭,૧૯,૦૦૦ / – જેટલી રકમ મળી આવેલ હતી .
આમ એ.સી.બી. ના આજદિન સુધીના ઇતિહાસમાં રૂ .૨,૨૭,૨૫,૦૦૦ / – જેટલી મોટી રકમ પ્રથમવાર કબજે કરવામાં આવેલ છે . સરકારશ્રીના જુદા જુદા વિભાગના અધિકારી / કર્મચારીઓ દ્વારા કાયદેસરના મહેનતાણા સિવાય જાહેર જનતા પાસે જો કોઇ ગેરકાયદેસર અવેજની માંગણી કરવામાં આવે તો તેવા સરકારી અધિકારી / કર્મચારીઓ અંગેની જાણ એ.સી.બી. કચેરીના ટોલ ફ્રી નંબર .૧૦૬૪ , ફોન નંબર.૦૭૯ ૨૨૮૬૬૭૭૨ તથા ફેકસ નંબર.૦૭૯-૦૦૬૮૯૨૨૮ , ઇ – મેઇલ : astdir – acb f2@gujarat.gov.in , વોટ્સએપ નં.૯૦૯૯-૧૧૦૫૫ ઉપર મોકલી આપવા અથવા કચેરી , સમય દરમ્યાન અત્રે રૂબરૂ પણ સંપર્ક કરવા તથા CD દ્વારા અથવા પેન ડ્રાઇવમાં પણ માહિતી મોકલવા નાગરિકોને આહવાન કરવામાં આવે છે .